ഉനൈസ: നാട്ടിൽ പോകുന്നതിന് ഏതാനും മണിക്കൂർ മുമ്പ് മലയാളി ഹൃദയാഘാതം മൂലം മരിച്ചു. തിരുവനന്തപുരം, വർക്കല, നട യറ സ്വദേശി അക്കരവിള പണയിൽ വീട്ടിൽ ഷാജിയാണ് (46) അൽഖസീം പ്രവിശ്യയിലെ ഉനൈസയിൽ ബുധനാഴ്ച പുലർച്ചെ മരിച്ചത്. ഉച്ചക്കുള്ള ഗൾഫ് എയർ വിമാനത്തിൽ പോകാൻ പെട്ടിയെല്ലാം കെട്ടിവെച്ച് ഒരുക്കങ്ങൾ പൂർത്തിയാക്കി പുറപ്പെടും മുമ്പായിരുന്നു അന്ത്യം. 13 വർഷമായി ഉനൈസയിലെ ഗസാലിയ ഇൗത്തപ്പഴ കമ്പനിയിൽ ജീവനക്കാരനായിരുന്ന ഷാജി ഹൃദയസംബന്ധമായ അസുഖത്തെ തുടർന്ന് ചികിത്സക്കായാണ് നാട്ടിൽ പോകാൻ ഒരുങ്ങിയത്. സന്ദർശക വിസയിൽ കൂടെ ഉണ്ടായിരുന്ന കുടുംബം മൂന്നാഴ്ച മുമ്പാണ് നാട്ടിൽ പോയത്. പരേതരായ സൈനുദ്ദീൻ, സഫാറ ഉമ്മ ദമ്പതികളുടെ മകനാണ്. ഭാര്യ: റുബി. മക്കൾ: സൗമ്യ, ആദിൽ. മരുമകൻ: ഷിബു. തുടർനടപടികൾക്ക് ഉനൈസ കെ.എം.സി.സി സെൻട്രൽ കമ്മിറ്റി പ്രവർത്തകർ നേതൃത്വം നൽകുന്നു. മൃതദേഹം ഉനൈസയിൽ ഖബറടക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.