റിയാദ്: സൗദി അറേബ്യയിൽ ചൊവ്വാഴ്ച 362 പേർക്ക് കോവിഡ് സ്ഥിരീകരിച്ചു. രാജ്യത്തെ വിവിധ ഭാഗങ്ങളിലായി 16 പേർ മരിച്ചു. 436 പേർക്ക് രോഗമുക്തിയുണ്ടായി. ആകെ കോവിഡ് കേസുകളുടെ എണ്ണം 353918 ആയി. രോഗമുക്തരുടെ ആകെ എണ്ണം 341104 ആയി ഉയർന്നു. ആകെ മരണസംഖ്യ 5692 ആണ്.
7122 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ തുടരുന്നു. ഇതിൽ 816 പേർ ഗുരുതരസ്ഥിതിയിലാണ്. ഇവർ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 96.5 ശതമാനമായി ഉയർന്നു. മരണനിരക്ക് 1.6 ശതമാനമായി തുടരുന്നു.
24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് മദീനയിലാണ്, 49. റിയാദ് 35, മക്ക 29, ഹാഇൽ 21, ഖമീസ് മുശൈത് 16, ഹുഫൂഫ് 14, യാംബു 12, ബല്ലസ്മർ 12, ത്വാഇഫ് 10, അൽഅയ്സ് 8, മിദ്നബ് 8, ജിദ്ദ 8, ബുറൈദ 7, നാരിയ 7, എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.