ജിദ്ദ: സൗദി അറേബ്യയിൽ ഇന്ന് 357 പേർക്ക് പുതുതായി കോവിഡ് സ്ഥിരീകരിച്ചു. 314 പേർ ഇന്ന് രോഗമുക്തി നേടി. രാജ്യത്ത് വിവിധ ഭാഗങ്ങളിൽ ചികിത്സയിൽ കഴിയുന്നവരിൽ നാല് പേർ കൂടി മരിച്ചു.
ഇതുവരെ രോഗം സ്ഥിരീകരിച്ചവരുടെ ആകെ എണ്ണം 3,79,831 ആയി. ഇതിൽ 370614 പേർ രോഗമുക്തി നേടി. ആകെ മരണസംഖ്യ 6528 ആയി. രാജ്യത്തെ വിവിധ ആശുപത്രികളിലും മറ്റുമായി 2689 പേർ ചികിത്സയിൽ കഴിയുന്നുണ്ട്. ഇവരിൽ 505 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.8 ശതമാനവുമാണ്. 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 188, മക്ക 54, കിഴക്കൻ പ്രവിശ്യ 51, അൽ ഖസീം 20, മദീന 13, വടക്കൻ അതിർത്തി മേഖല 8, അസീർ 6, ഹാഇൽ 5, അൽജൗഫ് 4, തബൂക്ക് 4, ജീസാൻ 2, അൽബാഹ 1, നജ്റാൻ 1.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.