റിയാദ്: സൗദി അറേബ്യയിൽ പുതിയ കോവിഡ് കേസുകളുടെ എണ്ണം കുത്തനെ താഴേക്ക്. പുതുതായി രോഗം ബാധിക്കുന്നവരുടെ പ്രതിദിന എണ്ണം തിങ്കളാഴ്ച 125 ആയി കുറഞ്ഞു. എന്നാൽ രോഗമുക്തുടെ എണ്ണം ഉയരുകയും ചെയ്തു. 243 പേരാണ് 24 മണിക്കൂറിനിടെ സുഖം പ്രാപിച്ചത്.
രാജ്യത്ത് വിവിധയിടങ്ങളിലായി 11 മരണങ്ങളും റിപ്പോർട്ട് ചെയ്തു. രാജ്യത്തെ െമാത്തം രോഗബാധിതരുടെ എണ്ണം 360013 ഉം രോഗമുക്തരുടെ എണ്ണം 350792 ഉം ആയി. മരണസംഖ്യ 6059 ആയി ഉയർന്നു. കോവിഡ് ബാധിതരായി ഇനി ബാക്കിയുള്ളത് 3169 പേർ മാത്രമാണ്. അതിൽ 493 പേർ മാത്രമേ ഗുരുതരാവസ്ഥയിലുള്ളൂ. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ ആരോഗ്യനില തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 97.5 ശതമാനവും മരണനിരക്ക് 1.7 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 46, മക്ക 31, അസീർ 14, മദീന 12, കിഴക്കൻ പ്രവിശ്യ 9, തബൂക്ക് 4, അൽജൗഫ് 2, വടക്കൻ അതിർത്തി മേഖല 2, നജ്റാൻ 2, ഖസീം 1, ഹാഇൽ 1, ജീസാൻ 1.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.