ജിദ്ദ: സൗദി അറേബ്യയിലെ കോവിഡ് രോഗികളിൽ ബുധനാഴ്ച രോഗമുക്തരായവരുടെ എണ്ണത്തിൽ വൻ കുറവ് രേഖപ്പെടുത്തി. 386 പേർക്ക് പുതുതായി രോഗം സ്ഥിരീകരിച്ചപ്പോൾ രോഗമുക്തരായവരുടെ എണ്ണം 245 മാത്രമാണ്. രാജ്യത്ത് വിവിധ ഭാഗങ്ങളിൽ ചികിത്സയിൽ കഴിയുന്നവരിൽ ആറ് പേർ കൂടി മരിച്ചു.
ഇതുവരെ രോഗം സ്ഥിരീകരിച്ചവരുടെ ആകെ എണ്ണം 380958 ആയി. ഇതിൽ 371583 പേർ രോഗമുക്തി നേടി. ആകെ മരണസംഖ്യ 6545 ആയി. രാജ്യത്തെ വിവിധ ആശുപത്രികളിലും മറ്റുമായി 2830 പേർ ചികിത്സയിൽ ഉണ്ട്.ഇവരിൽ 528 പേരുടെ നില ഗുരുതരമാണ്.ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 97.5 ശതമാനവും മരണനിരക്ക് 1.8 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 177, കിഴക്കൻ പ്രവിശ്യ 81, മക്ക 43, ഹാഇൽ 16, മദീന 13, അൽ ഖസീം 12, അസീർ 10, വടക്കൻ അതിർത്തി മേഖല 8, ജീസാൻ 8, തബൂക്ക് 6, അൽജൗഫ് 6, നജ്റാൻ 4, അൽബാഹ 2.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.