ജിദ്ദ: സൗദിയിൽ ഇന്ന് പുതിയ രോഗികളെക്കാൾ രോഗമുക്തരുടെ എണ്ണം കൂടി. ഇന്ന് 1,144 പുതിയ രോഗികൾ റിപ്പോർട്ട് ചെയ്തപ്പോൾ രോഗമുക്തരായവരുടെ എണ്ണം 1,253 ആണ്. ഇതോടെ രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 4,56,562 ഉം ആകെ രോഗമുക്തരുടെ എണ്ണം 4,39,459 ഉം ആയി.
ഇന്ന് 16 മരണങ്ങളും റിപ്പോർട്ട് ചെയ്തു. ഇതോടെ ആകെ മരിച്ചവരുടെ എണ്ണം 7,440 ആയി. വിവിധ ആശുപത്രികളിലും മറ്റുമായി നിലവിൽ 9,663 പേർ ചികിത്സയിലുണ്ട്. ഇവരിൽ 1,539 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 96.25 ശതമാനവും മരണനിരക്ക് 1.62 ശതമാനവുമാണ്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: മക്ക 374, റിയാദ് 271, കിഴക്കൻ പ്രവിശ്യ 147, അസീർ 92, മദീന 71, ജീസാൻ 63, അൽ ഖസീം 44, തബൂക്ക് 23, അൽബാഹ 17, നജ്റാൻ 15, ഹാഇൽ 15, വടക്കൻ അതിർത്തി മേഖല 10, അൽ ജൗഫ് 2.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.