ജിദ്ദ: സൗദിയിൽ ഇന്ന് പുതിയ രോഗികളേക്കാൾ കൂടുതൽ രോഗമുക്തി റിപ്പോർട്ട് ചെയ്തു. 997 പുതിയ കോവിഡ് രോഗികളും 1,026 രോഗമുക്തിയുമാണ് ശനിയാഴ്ച്ച റിപ്പോർട്ട് ചെയ്തത്. ഇതോടെ രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 4,25,442 ഉം ആകെ രോഗമുക്തരുടെ എണ്ണം 4,08,676 ഉം ആയി. പുതുതായി 14 പേർ മരിച്ചു. ഇതോടെ ആകെ മരണം 7,059 ആയി. രാജ്യത്തെ വിവിധ ആശുപത്രികളിലും മറ്റുമായി 9,707 പേർ നിലവിൽ ചികിത്സയിലുണ്ട്. ഇവരിൽ 1,319 പേരുടെ നില ഗുരുതരമാണ്.
ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96 ശതമാനവും മരണനിരക്ക് 1.66 ശതമാനവുമാണ്. ഏറ്റവും കൂടുതൽ രോഗികളുള്ളത് റിയാദ് പ്രവിശ്യയിലാണ്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 372, മക്ക 250, കിഴക്കൻ പ്രവിശ്യ 123, അസീർ 54, മദീന 49, ജീസാൻ 41, അൽ ഖസീം 28, ഹാഇൽ 23, നജ്റാൻ 16, വടക്കൻ അതിർത്തി മേഖല 14, തബൂക്ക് 10, അൽബാഹ 10, അൽ ജൗഫ് 7.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.