കോട്ടക്കൽ മണ്ഡലം കെ.എം.സി.സി പുറത്തിറക്കുന്ന സമദാനിയുടെ തെരഞ്ഞെടുപ്പ് ഗാനം ജിദ്ദ കെ.എം.സി.സി സെൻട്രൽ കമ്മിറ്റി ജനറൽ സെക്രട്ടറി അബൂബക്കർ അരിമ്പ്ര പ്രകാശനം ചെയ്യുന്നു
ജിദ്ദ: മലപ്പുറം പാർലമെൻറ് മണ്ഡലം യു.ഡി.എഫ് സ്ഥാനാർഥി അബ്്ദുസ്സമദ് സമദാനിയുടെ തെരഞ്ഞെടുപ്പ് പ്രചാരണാർഥം കോട്ടക്കൽ മണ്ഡലം കെ.എം.സി.സി തെരഞ്ഞെടുപ്പ് ഗാനം പുറത്തിറക്കി.
കെ.എം.സി.സി സെൻട്രൽ കമ്മിറ്റി ഓഡിറ്റോറിയത്തിൽ നടന്ന ചടങ്ങിൽ ജിദ്ദ കെ.എം.സി.സി സെൻട്രൽ കമ്മിറ്റി ജനറൽ സെക്രട്ടറി അബൂബക്കർ അരിമ്പ്ര പ്രകാശനം ചെയ്തു. തെരഞ്ഞെടുപ്പ് ഗാനം പുറത്തിറക്കിയ കോട്ടക്കൽ മണ്ഡലം കെ.എം.സി.സിയെ അദ്ദേഹം അഭിനന്ദിച്ചു. പരിപാടിയിൽ കോട്ടക്കൽ മണ്ഡലം കെ.എം.സി.സി ആക്ടിങ് പ്രസിഡൻറ് മുഹമ്മദ് കല്ലിങ്ങൽ അധ്യക്ഷത വഹിച്ചു.
മലപ്പുറം ജില്ല കെ.എം.സി.സി ആക്ടിങ് പ്രസിഡൻറ് ഇല്യാസ് കല്ലിങ്ങൽ, ജനറൽ സെക്രട്ടറി ഹബീബ് കല്ലൻ, മജീദ് കോട്ടീരി, സൈനു കോടഞ്ചേരി, മജീദ് പുകയൂർ, മുഹമ്മദലി ഇരണിയൻ, ഷാജഹാൻ പൊന്മള, മുഹമ്മദ് റാസിൽ ഒളകര തുടങ്ങിയവർ ആശംസ നേർന്നു.
ജനറൽ സെക്രട്ടറി നാണി ഇസ്ഹാഖ് മാസ്റ്റർ സ്വാഗതവും ഹംദാൻ ബാബു കോട്ടക്കൽ നന്ദിയും പറഞ്ഞു. കോട്ടക്കൽ മണ്ഡലം കെ.എം.സി.സി സെക്രട്ടറിയും എടയൂർ പഞ്ചായത്ത് കെ.എം.സി.സി ജനറൽ സെക്രട്ടറിയുമായ സൈനു കോടഞ്ചേരി രചിച്ച ഗാനം പ്രശസ്ത ഗായിക ഫാസില ബാനുവാണ് ആലപിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.