സൗ​ദി​യു​ടെ വി​വി​ധ ഭാ​ഗ​ങ്ങ​ളി​ൽ മ​ഴ തു​ട​രു​ന്നു

യാം​ബു: സൗ​ദി അ​റേ​ബ്യ​യു​ടെ വി​വി​ധ ഭാ​ഗ​ങ്ങ​ളി​ൽ മ​ഴ തു​ട​രു​ന്നു. മൂ​ട​ൽ മ​ഞ്ഞ് അ​നു​ഭ​വ​പ്പെ​ടു​ന്നു​ണ്ട്. ജി​സാ​ൻ, അ​സീ​ർ, അ​ൽ ബാ​ഹ മേ​ഖ​ല​ക​ളി​ലും മ​ക്ക​യി​ലെ ഉ​യ​ർ​ന്ന പ്ര​ദേ​ശ​ങ്ങ​ളി​ലും ക​ഴി​ഞ്ഞ ദി​വ​സ​ങ്ങ​ളി​ൽ ന​ല്ല തോ​തി​ൽ മ​ഴ​യു​ണ്ടാ​യി. വ​രും ദി​വ​സ​ങ്ങ​ളി​ലും ഈ ​നാ​ലു പ്ര​ദേ​ശ​ങ്ങ​ളി​ൽ മ​ഴ തു​ട​രാ​നും ചി​ല​യി​ട​ങ്ങ​ളി​ൽ മൂ​ട​ൽ മ​ഞ്ഞ് അ​നു​ഭ​വ​പ്പെ​ടാ​നും സാ​ധ്യ​ത​യു​ള്ള​താ​യി ദേ​ശീ​യ കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു. മ​ക്ക, മ​ദീ​ന, ത​ബൂ​ക്ക് എ​ന്നി​വ​യു​ടെ ചി​ല ഭാ​ഗ​ങ്ങ​ളി​ൽ പൊ​ടി​പ​ട​ല​ങ്ങ​ൾ ഉ​യ​ർ​ത്തു​ന്ന സ​ജീ​വ കാ​റ്റി​​ന്റെ ആ​ഘാ​തം ഉ​ണ്ടാ​കു​മെ​ന്നും കേ​ന്ദ്രം പ്ര​വ​ചി​ച്ചു.

ജി​സാ​ൻ, അ​സീ​ർ, അ​ൽ ബാ​ഹ മേ​ഖ​ല​ക​ളി​ൽ ആ​കാ​ശം ഭാ​ഗി​ക​മാ​യി മേ​ഘാ​വൃ​ത​മാ​യി​രി​ക്കു​മെ​ന്നും നേ​രി​യ മ​ഴ​ക്ക് സാ​ധ്യ​ത​യു​ണ്ടെ​ന്നും ആ ​പ്ര​ദേ​ശ​ങ്ങ​ളു​ടെ ചി​ല ഭാ​ഗ​ങ്ങ​ളി​ലും അ​ൽ ബാ​ഹ​യു​ടെ ചി​ല ഭാ​ഗ​ങ്ങ​ളി​ലും മൂ​ട​ൽ​മ​ഞ്ഞ് വ​രും ദി​വ​സ​ങ്ങ​ളി​ൽ കു​റ​യാ​നു​ള്ള സാ​ധ്യ​ത​യും കേ​ന്ദ്രം ചൂ​ണ്ടി​ക്കാ​ട്ടി. വ​ട​ക്ക​ൻ അ​തി​ർ​ത്തി മേ​ഖ​ല, അ​ൽ ജൗ​ഫ്, റി​യാ​ദ്, ഖ​സീം പ്ര​വി​ശ്യ​ക​ൾ എ​ന്നി​വി​ട​ങ്ങ​ളി​ൽ നേ​രി​യ മ​ഴ​ക്കാ​ണ് വ​രും ദി​വ​സ​ങ്ങ​ളി​ൽ സാ​ധ്യ​ത​യെ​ന്നും അ​ധി​കൃ​ത​ർ ചൂ​ണ്ടി​ക്കാ​ട്ടി.

സൗ​ദി​യു​ടെ വ​ട​ക്ക​ൻ മേ​ഖ​ല​ക​ളി​ലും മ​ധ്യ​ഭാ​ഗ​ത്തു​മാ​ണ് പൊ​തു​വെ ത​ണു​പ്പു​ള്ള കാ​ലാ​വ​സ്ഥ തു​ട​രു​ന്ന​ത്. എ​ന്നാ​ൽ കി​ഴ​ക്ക​ൻ ഭാ​ഗ​ങ്ങ​ളി​ലെ ചി​ല പ്ര​ദേ​ശ​ങ്ങ​ളി​ൽ താ​പ​നി​ല 20 ഡി​ഗ്രി​യി​ലേ​ക്ക് ഉ​യ​ർ​ന്ന​താ​യാ​ണ് റി​പ്പോ​ർ​ട്ട്.

രാ​ജ്യ​ത്തി​ന്റെ മി​ക്ക ഭാ​ഗ​ങ്ങ​ളി​ലും പ​ക​ൽ സ​മ​യ​ത്ത് സു​ഖ​ക​ര​മാ​യ കാ​ലാ​വ​സ്ഥ​യാ​ണ് ഇ​പ്പോ​ൾ പ്ര​ക​ട​മാ​കു​ന്ന​ത്. മി​ക്ക പ്ര​ദേ​ശ​ങ്ങ​ളി​ലും രാ​ത്രി ത​ണു​പ്പ് തു​ട​രു​ക​യാ​ണ്.