ജിദ്ദ: പ്രവാസി സാംസ്ക്കാരിക വേദി വനിതാവിഭാഗം നാട്ടിൽ നടക്കുന്ന അക്രമ രാഷ്ട്രീയത്തിനും ഹർത്താലിനുമെതിരെ സ് ത്രീകളുടെ പ്രതിഷേധ സായാഹ്നം സംഘടിപ്പിച്ചു. വിശ്വാസത്തെ മുൻനിർത്തി ബി.ജെ.പിയും, കോൺഗ്രസും, ഇടതു മുന്നണിയും നടത്തുന്ന വർഗീയ ധ്രുവീകരണം നന്മ കാംക്ഷിക്കുന്ന ജനവിഭാഗങ്ങളെ ആശങ്കയിലാക്കിയതായി യോഗം അഭിപ്രായപ്പെട്ടു. സംഘ് പരിവാർ കലാപം ചെറുത്ത് തോൽപ്പിക്കുക, സ്വൈര്യ ജീവിതം ഉറപ്പാക്കുക എന്ന തലക്കെട്ടിൽ വെൽഫെയർ പാർട്ടി സംസ്ഥാന വ്യാപകമായി സംഘടിപ്പിക്കുന്ന പ്രതിഷേധ പരിപാടിക്ക് യോഗം ഐക്യദാർഢ്യം പ്രഖ്യാപിച്ചു. പ്രവാസി വനിതാവിഭാഗം പ്രസിഡൻറ് സുഹറാബഷീർ അധ്യക്ഷത വഹിച്ചു. നജാത്ത് സക്കീർ, ജസീന ബഷീർ, മുംതസ് അഷ്റഫ്, റുക്സാന മൂസ, ഷമീന അസീസ്, ഷഹർബാൻ എന്നിവർ സംസാരിച്ചു. ബിഷാറ ഇസ്മാഈൽ സ്വാഗതവും സലീഖത്ത് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.