റിയാദ്: ഭാരതത്തിന്റെ 75ാമത് സ്വാതന്ത്ര്യദിന വാർഷികം പ്രവാസി മലയാളി ഫൗണ്ടേഷൻ റിയാദ് സെൻട്രൽ കമ്മിറ്റി സമുചിതമായി ആഘോഷിച്ചു. ആൻഡ്രിയ ജോൺസന്റെ ദേശഭക്തി ഗാനത്തോട് തുടങ്ങിയ ചടങ്ങിൽ ട്രഷറർ പ്രെഡിൻ അലക്സ് ആമുഖ പ്രഭാഷണം നടത്തി. സൗദി നാഷനൽ കമ്മിറ്റി ട്രഷറർ ജോൺസൺ മാർകോസ് അധ്യക്ഷത വഹിച്ചു. അമീർ സുൽത്താൻ ആശുപത്രിയിലെ കാർഡിയോളജിസ്റ്റ് ഡോ. അബ്ദുൽ മജീദ് ഉദ്ഘാടനം നിർവഹിച്ചു. ഈസി കാർഗോ മാനേജിങ് ഡയറക്ടർ അഷ്റഫ് മുഖ്യാതിഥിയായിരുന്നു. നാഷനൽ കമ്മിറ്റി ജനറൽ സെക്രട്ടറി ഷിബു ഉസ്മാൻ സ്വാതന്ത്ര്യദിന സന്ദേശം നൽകി. ഭാരവാഹികളായ ഷാജഹാൻ ചാവക്കാട്, മുജീബ് കായംകുളം, സലിം വാലില്ലാപ്പുഴ, ജലീൽ ആലപ്പുഴ, റിയാസ് അബ്ദുല്ല, ശരീഖ് തൈക്കണ്ടി, നാസർ പൂവാർ, ജോർജ്, സിമി ജോൺസൺ, ജാസ്മിൻ റിയാസ്, ഫൗസിയ നിസാം എന്നിവർ സംസാരിച്ചു. രാധാകൃഷ്ണൻ പാലത്ത്, സിയാദ് വർക്കല, യാസിർ അലി, കെ.ജെ. റഷീദ്, സഹീദ് കൊടുവള്ളി, ലത്തീഫ് ശൂരനാട്, ഷാബിൻ, ആസിയാ ഷാബിൻ, അനസ് കണ്ണൂർ, നിസാം കായംകുളം, നിസാർ ഗുരുക്കൾ എന്നിവർ നേതൃത്വം നൽകി. സെൻട്രൽ കമ്മിറ്റി ജനറൽ സെക്രട്ടറി റസൽ കമറുദ്ദീൻ സ്വാഗതവും നാഷനൽ കമ്മിറ്റി അംഗം ബിനു കെ. തോമസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.