പാലക്കാട് ടൗൺ പ്രവാസി കൂട്ടായ്മ ‘ആശ്രിതർക്ക് ഒരു കൈത്താങ്ങ്’ പദ്ധതിക്ക് തുടക്കം കുറിച്ചപ്പോൾ
റിയാദ്: പാലക്കാട് ടൗൺ പ്രവാസി കൂട്ടായ്മ ‘ആശ്രിതർക്ക് ഒരു കൈത്താങ്ങ്’ എന്ന പുതിയ പദ്ധതിക്ക് തുടക്കം കുറിച്ചു. ബത്ഹ ലുഹ ഓഡിറ്റോറിയത്തിൽ നടന്ന ചടങ്ങിൽ വി.എസ്. ബഷീർ പദ്ധതി ഉദ്ഘാടനം ചെയ്തു. പദ്ധതി കൺവീനർ അബ്ദുൽ റഷീദ് അധ്യക്ഷതവഹിച്ചു.
പാലക്കാട് നിയോജകമണ്ഡലത്തിലെ അർഹരായ അനാഥരും നിരാലംബരുമായ കുട്ടികളുടെ സ്കൂൾ, കോളജ് വിദ്യാഭ്യാസത്തിനാവശ്യമായ നിശ്ചിത തുക എല്ലാ മാസവും അവർക്ക് എത്തിച്ചു നൽകുക എന്നതാണ് പദ്ധതികൊണ്ട് ഉദ്ദേശിക്കുന്നത്. അർഹരായ വിദ്യാർഥികളെ അപേക്ഷകളുടെ അടിസ്ഥാനത്തിൽ കമ്മിറ്റി തെരഞ്ഞെടുക്കുന്നതാണ്. നിയാസ് കല്ലിങ്ങൽ, ഫൈസൽ മൂസ, സലീം, പി.യു. അലി, ഷമീർ, യൂസഫ് രണ്ടാം മൈൽ, സലാം, അഹ്നഫ്, മുഹമ്മദ് ഗനി, ഖലീൽ എന്നിവർ പരിപാടിക്ക് നേതൃത്വം നൽകി. ഷംസീർ കൊടുന്തിരപ്പുള്ളി സ്വാഗതവും നവാസ് മേപ്പറമ്പ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.