ഒതായി ചാത്തല്ലൂർ ഗ്ലോബൽ പ്രവാസി അസോസിയേഷൻ ഒതായിയിൽ സംഘടിപ്പിച്ച പ്രവാസി ഡേ പരിപാടിയിൽനിന്ന്
ജിദ്ദ/ഒതായി: ഒതായി ചാത്തല്ലൂർ ഗ്ലോബൽ പ്രവാസി അസോഷിയേഷൻ പ്രവാസി ഡേ സംഘടിപ്പിച്ചു. ഒതായി എ.ആർ.കെ ഓഡിറ്റോറിയത്തിൽ നടന്ന പരിപാടി ഒതായി ചാത്തല്ലൂർ ഗ്ലോബൽ പ്രവാസി അസോസിയേഷൻ (ഒ.സി.ജി.പി.എ) രക്ഷാധികാരി ടി.പി. അഹമ്മദ് കുട്ടി ഉദ്ഘാടനം ചെയ്തു. വൈസ് പ്രസിഡന്റ് സുൽഫിക്കർ ഒതായി അധ്യക്ഷത വഹിച്ചു.
‘കുട്ടികൾ എങ്ങിനെ ലക്ഷ്യം കൈവരിക്കാം’ എന്ന വിഷയത്തിൽ മോട്ടിവേറ്റർ ലുഖ്മാൻ അരീക്കോട് ക്ലാസെടുത്തു. ഒ.സി.ജി.പി.എ അംഗങ്ങളുടെ മക്കളിൽ പത്താം ക്ലാസ്, പ്ലസ് ടു ക്ലാസുകളിൽ ഉന്നത വിജയം നേടിയ കുട്ടികളെയും, എൽ.എസ്.എസ്, യു.എസ്.എസ് സ്കോളർഷിപ് നേടിയ കുട്ടികളെയും ഉപഹാരം നൽകി ആദരിച്ചു. പി. അബ്ദുൽ ഗഫൂർ, ഉമ്മർ ചെമ്മല, കെ.ടി നാസർ, പി.കെ. യാക്കൂബ്, അമീൻ ചെമ്മല തുടങ്ങിയവർ ഉപഹാരങ്ങൾ വിതരണം ചെയ്തു. ഭാരവാഹിളായ ഇബ്രാഹിം എടപ്പറ്റ, യു. യൂസഫ് എന്നിവർ സംസാരിച്ചു. അബ്ദുൽ ഖാദറിന്റെ നേതൃത്തിൽ വിവിധ കലാപരിപാടികൾ അരങ്ങേറി. പ്രോഗ്രാം കൺവീനർ കെ.സി. ഫൈസൽ ബാബു പരിപാടികൾ നിയന്ത്രിച്ചു.
ഒ.സി.ജി.പി.എ ജനറൽ സെക്രട്ടറി കെ.പി. സുനീർ സ്വാഗതവും ട്രഷറർ ഹബീബ് കാഞ്ഞിരാല നന്ദിയും പറഞ്ഞു. ഉബൈദ് ചെമ്പകത്ത്, ഇ. അനസ് മോൻ, പി.കെ. സജീർ, ഖാദർ കൈതറ തുടങ്ങിയവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.