റിയാദിൽനിന്ന് ജിദ്ദയിലേക്ക് സ്ഥലംമാറി പോകുന്ന മുസ്തഫ കവ്വായിക്ക് റിയാദ് ഇന്ത്യൻ ഫുട്ബാൾ അസോസിയേഷെൻറ ഉപഹാരം സമ്മാനിക്കുന്നു
റിയാദ്: റിയാദ് ഇന്ത്യൻ ഫുട്ബാൾ അസോസിയേഷൻ (റിഫ) മാർക്കറ്റിങ് കൺവീനറും പയ്യന്നൂർ സാംസ്കാരിക വേദി (പി.എസ്.വി) പ്രതിനിധിയുമായ മുസ്തഫ കവ്വായിക്ക് റിഫ സെക്രട്ടേറിയറ്റ് അംഗങ്ങൾ യാത്രയയപ്പ് നൽകി.റിയാദിൽനിന്ന് ജിദ്ദയിലേക്കാണ് ജോലിസ്ഥലം മാറി പോകുന്നത്.
മസാല സോൺ റസ്റ്റാറൻറ് ഓഡിറ്റോറിയത്തിൽ നടന്ന യോഗത്തിൽ റിഫ ആക്ടിങ് പ്രസിഡൻറ് ബാബു മഞ്ചേരി അധ്യക്ഷത വഹിച്ചു.കരീം പയ്യനാട്, മുസ്തഫ മമ്പാട്, ശകീൽ തിരൂർക്കാട്, ബഷീർ കാരന്തൂർ എന്നിവർ സംസാരിച്ചു. എട്ടു വർഷമായി റിഫയിലെ സജീവ പ്രവർത്തകനായിരുന്നു മുസ്തഫ. റിയാദിൽ കാൽ നൂറ്റാണ്ടോളമായി പ്രവാസിയായ അദ്ദേഹം 22 വർഷം അൽദബ്ബാഗ് ഗ്രൂപ്പിൽ (തന്മിയ ചിക്കൻ) ആണ് ജോലി ചെയ്യുന്നത്. ഇതേ കമ്പനിയുടെ ജിദ്ദയിലെ ഹെഡ് ഓഫിസിലേക്കാണ് സ്ഥലംമാറി പോകുന്നത്.
യോഗത്തിൽ റിഫ സെക്രട്ടേറിയറ്റ് അംഗങ്ങൾ ചേർന്ന് ഒാർമഫലകം കൈമാറി. സെക്രട്ടറി സൈഫു കരുളായി സ്വാഗതവും റിഫ മീഡിയ കൺവീനർ ഫൈസൽ പാഴൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.