കൈ​മു​ട്ടി​പ്പാ​ട്ടി​​ന്റെ വൈ​ബു​മാ​യി മെ​ഹ്ഫി​ൽ ക​ലാ​കാ​ര​ന്മാ​ർ

റി​യാ​ദ്: കേ​ര​ളീ​യ ക​ലാ​സാം​സ്കാ​രി​ക പൈ​തൃ​ക​ങ്ങ​ളു​ടെ താ​ള​മേ​ള​ങ്ങ​ളു​മാ​യി ഒ​രു സം​ഘം മ​ല​യാ​ളി കൈ​മു​ട്ടിപ്പാ​ട്ടു​കാ​ർ റി​യാ​ദി​ലെ പ്ര​വാ​സ സാം​സ്കാ​രി​ക സ​ദ​സ്സു​ക​ൾ കീ​ഴ​ട​ക്കു​ന്നു. ഒ​രേ വേ​ഷം ധ​രി​ച്ച് അ​ർ​ധ​വൃ​ത്താ​കൃ​തി​യി​ലി​രു​ന്ന്, ട്രി​പ്പ്ൾ ഡ്ര​മ്മി​ന് താ​ളം​പി​ടി​ച്ചും ചി​ല​ങ്ക​യ്യ​ടി​ച്ചും കൈ​മു​ട്ടി​യും അ​നു​വാ​ച​ക​രെ അ​വാ​ച്യ​മാ​യ അ​നു​ഭൂ​തി​യി​ലേ​ക്ക് ന​യി​ക്കു​ക​യാ​ണ് ഈ ​സം​ഘം.

റി​യാ​ദി​ൽ ആ​ദ്യ​മാ​യി കൈ​മു​ട്ടി​പ്പാ​ട്ട് എ​ന്ന ക​ലാ​രൂ​പ​ത്തെ അ​വ​ത​രി​പ്പി​ക്കു​ക​യാ​ണ്​ ‘മെ​ഹ്ഫി​ൽ’ എ​ന്ന പേ​രി​ലു​ള്ള ഈ ​കൈ​മു​ട്ടി​പ്പാ​ട്ട് സം​ഘം.

പാ​ര​മ്പ​ര്യ​ത്തി​​ന്റെ സു​ഗ​ന്ധ​വും അ​വ​ത​ര​ണ​ത്തി​ൽ ത​നി​മ​യും സൂ​ക്ഷി​ക്കു​ന്ന ഈ ​ക​ലാ​രൂ​പ​ത്തെ ആ​ദ്യ​മാ​യി റി​യാ​ദി​ൽ അ​വ​ത​രി​പ്പി​ക്കു​ന്ന​ത്​ കാ​സ​ർ​കോ​ട്​ സ്വ​ദേ​ശി​യാ​യ സ​മ​ദ് കാ​സ​ർ​കോ​ടാ​ണ്. ഒ​ന്ന​ര വ​ർ​ഷ​മാ​യി റി​യാ​ദി​ലെ 20ഓ​ളം വേ​ദി​ക​ളി​ൽ മു​ട്ടി​പ്പാ​ട്ട് സം​ഘം പ​രി​പാ​ടി അ​വ​ത​രി​പ്പി​ച്ചി​ട്ടു​ണ്ട്. സം​ഗീ​തം പാ​ഷ​നാ​യു​ള്ള റി​യാ​ദി​ലെ ഒ​രു ഡ​സ​നി​ല​ധി​കം വ​രു​ന്ന ഗാ​യ​ക​രാ​ണ് ഈ ​സം​ഘ​ത്തി​ലു​ള്ള​ത്.

മു​ട്ടി​പ്പാ​ട്ട് എ​ന്ന ക​ലാ​രൂ​പ​ത്തി​​ന്റെ കാ​ല​പ്പ​ഴ​ക്കം കൃ​ത്യ​മാ​യി നി​ർ​ണ​യി​ക്കാ​ൻ ക​ഴി​യി​ല്ലെ​ങ്കി​ലും മ​ല​ബാ​റി​ൽ പ്ര​ചു​ര​മാ​യ വ​ട്ട​പ്പാ​ട്ട് എ​ന്ന ക​ല​യോ​ടാ​ണ് ഇ​തി​ന്​ സാ​ദൃ​ശ്യ​മു​ള്ള​ത്. പ​ണ്ടു​കാ​ല​ത്ത് മു​സ്‌​ലിം വി​വാ​ഹ​വേ​ദി​യി​ൽ മ​ണ​വാ​ള​നെ​യും തോ​ഴ​രേ​യും ആ​ന​യി​ച്ചി​രു​ത്തി കൈ​യ്യ​ടി​ച്ചു​പാ​ടു​ന്ന രീ​തി​യു​ണ്ടാ​യി​രു​ന്നു. ആ​ണൊ​പ്പ​ന, മു​ഖ​ത്ത​ള​പ്പാ​ട്ട് എ​ന്നൊ​ക്കെ അ​റി​യ​പ്പെ​ട്ടി​രു​ന്നു മം​ഗ​ലം (മാം​ഗ​ല്യം) ഇ​തി​വൃ​ത്ത​മാ​യ ഈ ​പ​രി​പാ​ടി, സ്കൂ​ൾ യു​വ​ജ​നോ​ത്സ​വ​ത്തി​ലെ ഒ​രു മ​ത്സ​ര​യി​നം കൂ​ടി​യാ​ണ്.

വാ​യ്പ്പാ​ട്ടും കൈ​മു​ട്ടും ഇ​ഴ​ചേ​ർ​ന്ന ഈ ​സം​ഗീ​ത​ത്തി​ലേ​ക്ക് ട്രി​പ്പ്ൾ ഡ്ര​മ്മി​​ന്റെ​യും ചി​ല​ങ്ക​യു​ടെ​യും മേ​ള​നം പു​തി​യൊ​രു ആ​സ്വാ​ദ​ന മു​ഖം തു​റ​ക്കു​ക​യാ​യി​രു​ന്നു. വ​ട​ക്ക​ൻ മ​ല​ബാ​റി​ലെ കാ​സ​ർ​കോ​ട്, ക​ണ്ണൂ​ർ പ്ര​ദേ​ശ​ങ്ങ​ളി​ലാ​ണ് ഡ്ര​മ്മും ചി​ല​ങ്ക​യും ഉ​പ​യോ​ഗി​ച്ച് വ​ട്ട​പ്പാ​ട്ടി​നെ മു​ട്ടി​പ്പാ​ട്ടാ​യി ന​വീ​ക​രി​ച്ച​ത്. ക​ല്യാ​ണപ്പാ​ട്ടു​ക​ളും മ​ദ്ഹ് ഗാ​ന​ങ്ങ​ളും മ​ണ​വാ​ള​​ന്റെ വ​ർ​ണ​ന​ക​ളും കൂ​ടാ​തെ അ​പ്പ​പ്പാ​ട്ടു​മെ​ല്ലാം ഇ​തി​ലു​ണ്ടാ​കും.

മാ​ന്ത്രി​ക​വി​ര​ലു​ക​ൾ കൊ​ണ്ടു​ള്ള ഡ്ര​മ്മി​ന്റെ ഇ​ട​ത്താ​ള​ങ്ങ​ളും മു​റു​ക്ക​ലും ഒ​പ്പം കൈ​മു​ട്ടും ചി​ല​ങ്ക​യും കാ​ണി​ക​ളെ ഹ​രം കൊ​ള്ളി​ക്കു​ക​യും ആ​ഹ്ലാ​ദ​ത്തി​​ന്റെ ഏ​തോ ഒ​രു ലോ​ക​ത്തേ​ക്ക് ആ​ന​യി​ക്കു​ക​യും ചെ​യ്യും. ഇ​ന്ന് ധാ​രാ​ളം ടീ​മു​ക​ൾ കേ​ര​ള​ത്തി​ലു​ണ്ട്. മ​ത്സ​ര​ങ്ങ​ൾ വ​ലി​യ തോ​തി​ൽ​ത​ന്നെ ന​ട​ക്കു​ന്ന​തി​നാ​ൽ ശാ​സ്ത്രീ​യ​മാ​യൊ​രു നി​യ​മാ​വ​ലി രൂ​പ​പ്പെ​ടു​ത്തു​ന്ന തി​ര​ക്കി​ലാ​ണ് പി​ന്ന​ണി പ്ര​വ​ർ​ത്ത​ക​ർ.

പ്ര​വാ​സ​ലോ​ക​ത്തും ഈ ​ക​ലാ​രൂ​പ​ത്തി​ന് വ​ലി​യൊ​രു വി​ഭാ​ഗം ജ​ന​ങ്ങ​ൾ ആ​സ്വാ​ദ​ക​രാ​യി​ട്ടു​ണ്ട്. ഒ​ന്നി​ച്ച് താ​ളം​പി​ടി​ച്ച് പാ​ടു​മ്പോ​ൾ ല​ഭി​ക്കു​ന്ന വൈ​ബ് ആ​ണ് ഇ​തി​​ന്റെ മു​ഖ്യ ആ​ക​ർ​ഷ​ണം. റി​യാ​ദി​ലെ മെ​ഹ്ഫി​ൽ പാ​ട്ടു​കൂ​ട്ട​ത്തെ ന​യി​ക്കു​ന്ന​ത് ദി​ൽ​ഷാ​ദ് കൊ​ല്ലം, അ​മീ​ർ പാ​ല​ത്തി​ങ്ങ​ൽ, അ​ന​സ് മാ​ണി​യൂ​ർ, അ​ൻ​വ​ർ​ഷാ പൊ​ന്നാ​നി, ഷി​ജു കോ​ട്ടെ​ങ്ങ​ൽ, ക​ബീ​ർ എ​ട​പ്പാ​ൾ, കാ​സ​ർ​കോ​ട്​ സ്വ​ദേ​ശി​ക​ളാ​യ സ​മ​ദ്, റ​ഫീ​ഖ്, ഹാ​രി​സ്, സി​ദ്ദീ​ഖ്, വ​ഹാ​ബ്, റ​സു, ഉ​മ​ർ ന​വാ​സ്, മു​ബൈ​സ് (റി​ഥം പാ​ഡ്), സ​ഹി​ൻ​ഷാ ക​ണ്ണൂ​ർ, അ​ന​സ് ക​ണ്ണൂ​ർ എ​ന്നി​വ​രാ​ണ്.

പ്ര​വാ​സ​ത്തി​ലെ ഒ​ഴി​വു​സ​മ​യ​ത്തി​ന് സാം​സ്കാ​രി​ക ഊ​ർ​ജം പ​ക​ർ​ന്നും ക​ലാ​പ്ര​വ​ർ​ത്ത​ന​ങ്ങ​ൾ​ക്ക്​ പോ​യ​കാ​ല​ത്തി​​ന്റെ കൈ​യൊ​പ്പ് ചാ​ർ​ത്തി​യും പ്ര​വാ​സ​ച​രി​ത്ര​ത്തി​ന് പു​തി​യ ഊ​ടും​പാ​വും നെ​യ്യാ​ൻ കൈ​കൊ​ട്ടിപ്പാടി മു​ന്നേ​റു​ക​യാ​ണ്​ ഈ ​പാ​ട്ടു​കൂ​ട്ടം.