സ്വ​ദേ​ശ​ത്തുവെ​ച്ച്​ ‘നു​സു​ക്​’ കാ​ർ​ഡ്​ ഏ​റ്റു​വാ​ങ്ങി മ​ലേ​ഷ്യ​ൻ തീ​ർ​ഥാ​ട​ക​ർ

റി​യാ​ദ്​: സ്വ​ദേ​ശ​ത്ത്​ വെ​ച്ച്​ ‘നു​സു​ക്​’ കാ​ർ​ഡ്​ ഏ​റ്റു​വാ​ങ്ങി മ​ലേ​ഷ്യ​ൻ തീ​ർ​ഥാ​ട​ക​ർ. ഹ​ജ്ജ്​ സേ​വ​ന​ങ്ങ​ൾ വി​ക​സി​പ്പി​ക്കാ​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി സൗ​ദി ഹ​ജ്ജ്​ മ​ന്ത്രാ​ല​യ​മാ​ണ്​ മ​ലേ​ഷ്യ​ൻ തീ​ർ​ഥാ​ട​ക​ർ​ക്ക് ‘മ​ക്ക റൂ​ട്ട്​’ സം​രം​ഭ​ത്തി​ന്​ കീ​ഴി​ൽ അ​വ​രു​ടെ രാ​ജ്യ​ത്ത്​ നു​സു​ക് കാ​ർ​ഡു​ക​ൾ വി​ത​ര​ണം ചെ​യ്ത​ത്. മ​ലേ​ഷ്യ​ൻ മ​ത​കാ​ര്യ മ​ന്ത്രി​യു​ടെ സാ​ന്നി​ധ്യ​ത്തി​ലാ​ണ് കൈ​മാ​റ്റം ന​ട​ന്ന​ത്. തീ​ർ​ഥാ​ട​ക​രു​ടെ മ​ത​പ​ര​മാ​യ യാ​ത്ര സു​ഗ​മ​മാ​ക്കു​ന്ന​തി​നും അ​വ​രു​ടെ ക​ർ​മ​ങ്ങ​ൾ എ​ളു​പ്പ​ത്തി​ലും സൗ​ക​ര്യ​പ്ര​ദ​മാ​യും അ​നു​ഷ്ഠി​ക്കാ​ൻ പ്രാ​പ്ത​രാ​ക്കു​ന്ന​തി​നും ഈ ​ന​ട​പ​ടി ല​ക്ഷ്യ​മി​ടു​ന്നു.

മ​ക്ക റൂ​ട്ട്​ ഇ​നി​ഷ്യേ​റ്റീ​വി​ൽ ഉ​ൾ​പ്പെ​ടു​ന്ന ഏ​ഴ് രാ​ജ്യ​ങ്ങ​ളി​ലൊ​ന്നാ​ണ് മ​ലേ​ഷ്യ. ഹ​ജ്ജ് ന​ട​പ​ടി​ക്ര​മ​ങ്ങ​ൾ സു​ഗ​മ​മാ​ക്കു​ന്ന​തി​നും ഹ​ജ്ജ്​ തീ​ർ​ഥാ​ട​ക​ർ​ക്ക്​ അ​വ​രു​ടെ രാ​ജ്യ​ങ്ങ​ളി​ൽ അ​വ​രു​ടെ ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി ഉ​യ​ർ​ന്ന നി​ല​വാ​ര​മു​ള്ള സേ​വ​ന​ങ്ങ​ൾ ന​ൽ​കു​ന്ന​തി​നും​ ഇ​ത് ല​ക്ഷ്യ​മി​ടു​ന്നു. ഇ​ല​ക്ട്രോ​ണി​ക് രീ​തി​യി​ൽ ഹ​ജ്ജ് വി​സ​ക​ൾ ന​ൽ​ക​ൽ, ആ​രോ​ഗ്യ ആ​വ​ശ്യ​ക​ത​ക​ൾ പ​രി​ശോ​ധി​ക്ക​ൽ, ല​ഗേ​ജ് കോ​ഡ് ചെ​യ്ത് ത​രം​തി​രി​ക്ക​ൽ എ​ന്നി​വ പോ​ലു​ള്ള​വ ഇ​തി​ലു​ൾ​പ്പെ​ടും.

ചൊ​വ്വാ​ഴ്​​ച​യാ​ണ്​ ‘മ​ക്ക റൂ​ട്ട്​’ സം​രം​ഭ​ത്തി​​​നു​ കീ​ഴി​ൽ മ​ലേ​ഷ്യ​യി​ൽ​നി​ന്നു​ള്ള ആ​ദ്യ ഹ​ജ്ജ്​ വി​മാ​നം ക്വാ​ലാ​ലം​പൂ​ർ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ​നി​ന്ന് മ​ദീ​ന​യി​ലെ അ​മീ​ർ മു​ഹ​മ്മ​ദ് ബി​ൻ അ​ബ്​​ദു​ൽ അ​സീ​സ് അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ എ​ത്തി​യ​ത്. മൊ​റോ​ക്കോ, ഇ​ന്തോ​നേ​ഷ്യ, മ​ലേ​ഷ്യ, പാ​കി​സ്​​താ​ൻ, ബം​ഗ്ലാ​ദേ​ശ്, തു​ർ​ക്കി, കോ​ട്ട് ഡി ​ഐ​വ​യ​ർ എ​ന്നീ ഏ​ഴ് ഗു​ണ​ഭോ​ക്തൃ രാ​ജ്യ​ങ്ങ​ളി​ലെ 11​ വി​മാ​ന​ത്താ​വ​ള​ങ്ങ​ളി​ലെ പ്ര​ത്യേ​ക ലോ​ഞ്ചു​ക​ൾ വ​ഴി​യാ​ണ് മ​ന്ത്രാ​ല​യം ഈ ​സം​രം​ഭം ന​ട​പ്പാ​ക്കു​ന്ന​ത്. 2017-ൽ ​ആ​രം​ഭി​ച്ച​തി​നു​ശേ​ഷം 9,40,000-ല​ധി​കം തീ​ർ​ഥാ​ട​ക​ർ​ക്ക് ഈ ​സേ​വ​നം പ്ര​യോ​ജ​ന​പ്പെ​ട്ടി​ട്ടു​ണ്ട്.