ജിദ്ദ ചുങ്കത്തറ പഞ്ചായത്ത് കെ.എം.സി.സി മുസ്തഫ കോക്കഞ്ചേരി സ്മാരക റമദാൻ റിലീഫ് വിതരണം പി. അബ്ദുൽ ഹമീദ് മാസ്റ്റർ എം.എൽ.എ ഉദ്ഘാടനം ചെയ്യുന്നു
ജിദ്ദ: ജിദ്ദ ചുങ്കത്തറ പഞ്ചായത്ത് കെ.എം.സി.സി കമ്മിറ്റിയുടെ അഭിമുഖ്യത്തിൽ മുസ്തഫ കോക്കഞ്ചേരി സ്മാരക റമദാൻ റിലീഫ് വിതരണം നടത്തി. നാട്ടിൽ നടന്ന പരിപാടി പി. അബ്ദുൽ ഹമീദ് മാസ്റ്റർ എം.എൽ.എ ഉദ്ഘാടനം ചെയ്തു. പ്രയാസങ്ങൾ സഹിച്ച് പ്രവാസജീവിതം നയിക്കുമ്പോഴും നാട്ടിൽ പ്രയാസമനുഭവിക്കുന്ന സഹജീവികൾക്കുവേണ്ടി കെ.എം.സി.സി കമ്മിറ്റികൾ നടത്തുന്ന പ്രവർത്തനങ്ങൾ മഹനീയമാണെന്ന് അദ്ദേഹം പറഞ്ഞു.
പഞ്ചായത്ത് മുസ്ലിം ലീഗ് പ്രസിഡന്റ് പറമ്പിൽ ബാവ അധ്യക്ഷത വഹിച്ചു. സി.എച്ച്. ഇക്ബാൽ മാസ്റ്റർ, കെ.ടി. കുഞ്ഞാൻ, യു. മൂസ, റഷീദ് വരിക്കോടൻ എന്നിവർ സംസാരിച്ചു. മുഹമ്മദ് ഹാജി ചെമ്മല സ്വാഗതവും മാനു പുത്തലത്ത് നന്ദിയും പറഞ്ഞു. ഇസ്മായിൽ ഹാജി, കുഞ്ഞാണി അത്തിക്കായി, ബഷീർ കാവാട്ട്, സലീം തവളകുഴിയൻ, ഗഫൂർ, കെ.ടി. ഉമ്മർ, അബ്ദുസലാം ചെമ്മല, മുനീർ ബാബു തെച്ചിയോടൻ, അഷ്റഫ് ചെമ്മല, ഹഖ് കൊല്ലേരി, ഗഫൂർ ചുങ്കത്തറ, മുസ്തഫ മുത്തു എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.