ത്വാഇഫ് കെ.എം.സി.സി ത്വാഇഫ് സെൻട്രൽ കമ്മിറ്റി സംഘടിപ്പിച്ച സ്നേഹസംഗമം സൗദി കെ.എം.സി.സി നാഷനൽ കമ്മിറ്റി ട്രഷറർ കുഞ്ഞുമോൻ കാക്കിയ ഉദ്ഘാടനം ചെയ്യുന്നു
ത്വാഇഫ്: കെ.എം.സി.സി ത്വാഇഫ് സെൻട്രൽ കമ്മിറ്റി സ്നേഹസംഗമം സംഘടിപ്പിച്ചു. സൗദി കെ.എം.സി.സി നാഷനൽ കമ്മിറ്റി ട്രഷറർ കുഞ്ഞുമോൻ കാക്കിയ ഉദ്ഘാടനം ചെയ്തു.
ത്വാഇഫ് കെ.എം.സി.സി പ്രസിഡൻറ് നാലകത്ത് മുഹമ്മദ് സ്വാലിഹ് അധ്യക്ഷത വഹിച്ചു. നാലു പതിറ്റാണ്ടിെൻറ പ്രവാസം അവസാനിപ്പിച്ച് മടങ്ങുന്ന കെ.എം.സി.സി സ്ഥാപക നേതാവ്, മേഖലയിലെ സാമൂഹിക പ്രവർത്തനങ്ങളിൽ സജീവരംഗത്തുണ്ടായിരുന്ന എം.എ. റഹ്മാന് ചടങ്ങിൽ യാത്രയയപ്പ് നൽകി. ത്വാഇഫ് കെ.എം.സി.സിയുടെ ഉപഹാരം കുഞ്ഞുമോൻ കാക്കിയ അദ്ദേഹത്തിന് സമ്മാനിച്ചു.
ജീവകാരുണ്യ രംഗത്ത് മികച്ച സേവന പ്രവർത്തനങ്ങൾ മുൻനിർത്തി മുഹമ്മദ് നാലകത്ത് മുഹമ്മദ് സ്വാലിഹിനെ ഉപഹാരം നൽകി ആദരിച്ചു. സഫീർ (ഒ.ഐ.സി.സി), ഇഖ്ബാൽ പുലാമത്തോട് (നവോദയ), അബ്ദുൽ അസീസ് റഹ്മാനിയ്യ (എസ്.ഐ.സി), ആർ.എം ത്വൽഹത്ത് (ഐ.സി.എഫ്), മഹ്മൂദ് (തനിമ), അബ്ദുൽ റഹ്മാൻ (ആരതി), സുലൈമാൻ മാളിയേക്കൽ, മുഹമ്മദ് ഷാ വാഴക്കാട്, ഹമീദ് പെരുവെള്ളൂർ, ജലീൽ തോട്ടൊളി, അബ്ദുൽ മജീദ് (ശുത്ത്ബ), ഫൈസൽ മാലിക്ക് എ.ആർ നഗർ എന്നിവർ സംസാരിച്ചു. എം.എ. റഹ്മാൻ മറുപടി പ്രസംഗം നടത്തി. സിറ്റി കെ.എം.സി.സി പുറത്തിറക്കിയ പുതുവർഷ കലണ്ടർ ചടങ്ങിൽ പ്രകാശനം ചെയ്തു. മുജീബ് കോട്ടക്കൽ സ്വാഗതവും സലാം പുല്ലാളൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.