കാസർകോട് സോക്കർ ലീഗ് ഫുട്ബാൾ ടൂർണമെന്റിൽ ജേതാക്കളായ ഡി.എം വാരിയേഴ്സ് ടീം
റിയാദ്: കാസർകോട് സോക്കർ ലീഗ് ഫുട്ബാൾ ടൂർണമെന്റിൽ ഡി.എം വാരിയേഴ്സ് ജേതാക്കളായി. ഫുട്ബാൾ പ്രേമികൾക്കും റിയാദിലെ പ്രവാസികൾക്കും നവ്യാനുഭവം പകർന്നാണ് ലീഗ് സമാപിച്ചത്. റിയാദ് ഇസ്കാൻ സ്റ്റേഡിയത്തിലാണ് മത്സരങ്ങൾ നടന്നത്. ആറു പ്രമുഖ ടീമുകൾ ടൂർണമെന്റിൽ പങ്കെടുത്തു. നൂറുകണക്കിന് ഫുട്ബാൾ പ്രേമികളെ സാക്ഷിനിർത്തി നടത്തിയ മത്സരത്തിൽ ബോംബെ എഫ്.സിയെ പെനാൽറ്റി ഷൂട്ടൗട്ടിൽ പരാജയപ്പെടുത്തി ഡി.എം വാരിയേഴ്സ് ജേതാക്കളായി.
സമാപന ചടങ്ങ് എച്ച്.എം.ആർ ഏരിയ മാനേജർ അബ്ദുറഹ്മാൻ ഉദ്ഘാടനം ചെയ്തു. സാമൂഹിക പ്രവർത്തകൻ ശിഹാബ് കൊട്ടുകാട്, അഷ്റഫ് മീപ്പിരി, ഹുസൈൻ മാടത്തൂർ, മീത്തൽ മുഹമ്മദ്, മുസ്തഫ തൻമിയ, കുഞ്ഞി സഫ മക്ക, ഇഷാഖ് ഫാൽക്കൺ, ജലാൽ ചെങ്കള, സകരിയ ഫുഡ്നേഷൻ, ഷംസുദ്ദീൻ ഉദുമ, തണു നാസർ തുടങ്ങിയവർ സംസാരിച്ചു. കാസർകോട്ടുനിന്ന് അതിഥികളായെത്തിയ സല്ലു നായന്മാർമൂല, മഹ്റൂഫ് ബദ്രിയ, എം.എം. നൗഷാദ് എന്നിവരെ ചടങ്ങിൽ ആദരിച്ചു. കമാൽ അറന്തോട് സ്വാഗതവും ഖാദർ ആലംപാടി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.