ജിദ്ദ: ജെ.എസ്.സി - ഐ.എസ്.എം അന്താരാഷ്്ട്ര ഫുട്ബാൾ അക്കാദമി കോവിഡ് 19 മൂലം നീട്ടി വച്ച 11ാമത് വാർഷികം നാളെ (ചൊവ്വാഴ്ച) സൂം ആപ്ലിക്കേഷൻ വഴി നടക്കും. 200ൽ അധികം കുട്ടികളും അവരുടെ മാതാപിതാക്കളും ഉൾപ്പെട്ട സദസിന് മുമ്പിൽ ‘ഫാമിലി ഫൺ ഫിയാസ്റ്റ’ എന്ന പേരിൽ വൈകീട്ട് ഏഴ് മുതലാണ് പരിപാടി.
വിവിധ കലാപരിപാടികൾ അരങ്ങേറും. ഗാനങ്ങൾ, ഉപകരണസംഗീതം, നൃത്തങ്ങൾ, ക്വിസ്, നാടകം, കസേര കളി, ആരാദ്യം പാടും തുടങ്ങിയ പരിപാടികൾ ആണ് ഫാമിലി ഫൺ ഫിയാസ്റ്റയിൽ അവതരിപ്പിക്കുന്നതെന്നും സംഘടകസമിതി അറിയിച്ചു. അക്കാദമിയിൽ മികച്ച പ്രകടനം നടത്തിയ ട്രെയിനികളെ ആദരിക്കും എന്നും പ്രസിഡൻറ് ജാഫർ അഹമ്മദ് അറിയിച്ചു.
റോഷൻ കൺവീനറായും സാബിർ, അഷ്ഫാഖ്, നൗഷിർ, അഷ്‌ഫാർ, സുനിൽ ശേഖർ, ശിഖ സുനിൽ, പ്രവീൺ പദ്മൻ, ജാസിം ഹാരിസ്, റാഫി ബിമാപള്ളി, ബാസിൽ ബഷിർ, അസ്‌കർ, അൻവർ, ശ്രീജിത്ത് തുടങ്ങിയവർ അംഗങ്ങളായും വിപുലമായ കമ്മിറ്റിയെ ഇതിന് വേണ്ടി രൂപവത്കരിച്ചിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.