ജിദ്ദ കണ്ണമംഗലം ഒ.ഐ.സി.സി നിർമിച്ച വീടിെൻറ താക്കോൽ ദാനം വി.ടി. ബൽറാം എം.എൽ.എ നിർവഹിക്കുന്നു
ജിദ്ദ: ഒ.ഐ.സി.സി കണ്ണമംഗലം ജിദ്ദ കമ്മിറ്റി വാളക്കുടയിലെ കുടുംബത്തിന് നിർമിച്ചു നൽകിയ വീടിെൻറ താക്കോൽ ദാനം വി.ടി. ബൽറാം എം.എൽ.എ നിർവഹിച്ചു. ഒ.ഐ.സി.സി കണ്ണമംഗലം കമ്മിറ്റി പൂർത്തീകരിച്ച കുടിവെള്ള വിതരണ പദ്ധതിയും ഭവനനിർമാണ പദ്ധതിയും മികച്ച ജീവകാരുണ്യ പ്രവർത്തനങ്ങളാണെന്നും പ്രതിസന്ധി ഘട്ടത്തിൽ സഹജീവികളോടുള്ള ഒ.ഐ.സി.സി പ്രവർത്തകരുടെ പ്രതിബദ്ധത അഭിനന്ദനാർഹമാണെന്നും ബൽറാം പറഞ്ഞു.
താക്കോൽദാന സമ്മേളനത്തിൽ ഒ.ഐ.സി.സി കണ്ണമംഗലം ജിദ്ദ കമ്മിറ്റി പ്രസിഡൻറ് സക്കീറലി കണ്ണേത്ത് അധ്യക്ഷത വഹിച്ചു. കെ.പി.സി.സി അംഗം പി.എ. ചെറീത് മുഖ്യ പ്രഭാഷണം നടത്തി.
പട്ടാമ്പി നിയോജകമണ്ഡലം യു.ഡി.എഫ് സ്ഥാനാർഥിയും യൂത്ത് കോൺഗ്രസ് സംസ്ഥാന വൈസ് പ്രസിഡൻറുമായ റിയാസ് മുക്കോളി, കണ്ണമംഗലം മണ്ഡലം കോൺഗ്രസ് ജനറൽ സെക്രട്ടറി വി.പി. കുഞ്ഞിമുഹമ്മദ് ഹാജി, ഒ.ഐ.സി.സി മുൻ ഗ്ലോബൽ കമ്മിറ്റി അംഗം കാവുങ്ങൽ അബ്ദുറഹ്മാൻ തുടങ്ങിയവർ സംസാരിച്ചു. ഒ.ഐ.സി.സി കണ്ണമംഗലം കമ്മിറ്റി വൈസ് പ്രസിഡൻറ് വി.പി. കുട്ടിമോൻ സ്വാഗതവും ജനറൽ സെക്രട്ടറി അഷ്ഫാഖ് പുള്ളാട്ട് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.