ജിദ്ദ: വിനോദപരിപാടികളുടെ വരവറിയിച്ച് ജിദ്ദയിലും കളർ റൺ സംഘടിപ്പിച്ചു. സൗദിയ ിലേക്ക് മികച്ച വിനോദ പരിപാടികൾ ആകർഷിക്കുന്നതിെൻറ ഭാഗമായാണ് പരിപാടി സംഘടിപ്പിച്ചത്. ജനറല് എൻറര്ടൈന്മെൻറ് അതോറിറ്റിയുടെ നേതൃത്വത്തിലായിരുന്നു വർണങ്ങളിൽ കുളിച്ച കൂട്ടയോട്ടം. കഴിഞ്ഞ മാര്ച്ച് മാസത്തില് അല് ഖോബാറിലാണ് സൗദിയിലെ ആദ്യത്തെ കളര് റണ്ണിന് തുടക്കം കുറിച്ചത്. തുടർന്ന് കഴിഞ്ഞ ആഴ്ച റിയാദിലും കളര് റൺ ഉണ്ടായിരുന്നു. ഇതിെൻറ തുടർച്ചയായാണ് ജിദ്ദയിലും നടന്നത്. സ്ത്രീകളും കുട്ടികളും ഉള്പ്പെടെ സ്വദേശികളും വിദേശികളുമായി 10,000ത്തിലധികം ആളുകളാണ് ജിദ്ദയിലെ കോർണിഷിൽ നടന്ന കളർ റണ്ണിൽ പങ്കെടുത്തത്. മുന്കൂട്ടി ഫീസടച്ച് ഓണ്ലൈനായി രജിസ്റ്റര് ചെയ്തവര്ക്കായിരുന്നു പ്രവേശനം. അഞ്ച്കിലോമീറ്ററാണ് കളര് റണ് കൂട്ടയോട്ടത്തിെൻറ ദൈർഘ്യം. ഓരോ കിലോമീറ്ററിലും പ്രത്യേകം സ്ഥാപിച്ച കവാടങ്ങളിലെത്തുമ്പോൾ പച്ച, മഞ്ഞ, ഓറഞ്ച്, പിങ്ക് തുടങ്ങിയ വർണങ്ങൾ വിതറി സംഘാടകർ കൂട്ടയോട്ട
സംഘത്തെ സ്വീകരിക്കും. ഫിനിഷിങ് പോയൻറിലെത്തിയവർ സംഗീതത്തിെൻറ താളത്തിനൊത്ത് വർണങ്ങൾ വാരിവിതറിയും, നൃത്തം ചെയ്തും പരിപാടി ആസ്വദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.