മദീന: വാഹനാപകടത്തിൽ ഒമ്പത് ഉംറ തീർഥാടകർ മരിച്ചു. മദീനക്കും മക്കക്കുമിടയിൽ ഹിജ്റ റോഡിൽ കിലോ 95 ൽ ഇന്നലെ രാവിലെ പത്ത് മണിക്കാണ് അപകടമുണ്ടായത്. വിവരമറിഞ്ഞ ഉടനെ 15 ആംബുലൻസ് യൂനിറ്റുകൾ സ്ഥലത്തേക്ക് തിരിച്ചിരുന്നതായി മദീന റെഡ്ക്രസൻറ് വക്താവ് ഖാലിദ് അൽസഹ്ലി പറഞ്ഞു. 27 പേരാണ് അപകടത്തിൽപ്പെട്ടത്. ഒമ്പത് പേർ സംഭവ സ്ഥലത്ത് തന്നെ മരിച്ചു. ആറുപേരുടെ നില ഗുരുതരമാണ്. ഏഴ് പേർക്ക് നിസ്സാര പരിക്കാണ്. അഞ്ച് പേരുടെ നില തൃപ്തികരമാണെന്നും റെഡ്ക്രസൻറ് വക്താവ് പറഞ്ഞു. ഏഷ്യൻ രാജ്യങ്ങളിൽ നിന്നുള്ളവരാണ് അപകടത്തിൽ പെട്ടത്. രക്ഷാപ്രവർത്തനത്തിന് പൊലീസും ട്രാഫിക്കും സ്ഥലത്തെത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.