നാട്ടിലേക്ക് മടങ്ങുന്ന ജിദ്ദ കെ.എം.സി.സി നാദാപുരം മണ്ഡലം ആക്ടിങ് പ്രസിഡൻറ് സി.ടി. ഹാരിസ് മാസ്റ്റർക്ക് ഇബ്രാഹിം കൊല്ലി ഉപഹാരം നൽകുന്നു
ജിദ്ദ: പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന ജിദ്ദ കെ.എം.സി.സി നാദാപുരം മണ്ഡലം ആക്ടിങ് പ്രസിഡൻറും ഇന്ത്യൻ എംബസി സ്കൂൾ രസതന്ത്രം അധ്യാപകനുമായ സി.ടി. ഹാരിസിന് ജിദ്ദ കെ.എം.സി.സി നാദാപുരം മണ്ഡലം കമ്മിറ്റി യാത്രയയപ്പ് നൽകി. നാദാപുരം പേരോട് ഹൈസ്കൂളിൽനിന്ന് അവധിയെടുത്ത് ഇന്ത്യൻ എംബസി സ്കൂളിൽ സേവനം അനുഷ്ഠിച്ചുവരുകയായിരുന്നു ഹാരിസ് മാസ്റ്റർ. ജിദ്ദയിലെ വിവിധ സാംസ്കാരിക പരിപാടികൾക്കും പഠന ക്ലാസുകൾക്കും നേതൃത്വം നൽകിയിരുന്നു.
ശറഫിയ്യ ഗ്രീൻലാൻഡ് ഹോട്ടൽ ഓഡിറ്റോറിയത്തിൽ നടന്ന യാത്രയയപ്പ് ചടങ്ങിൽ മണ്ഡലം ചെയർമാൻ സുബൈർ വാണിമേൽ അധ്യക്ഷത വഹിച്ചു. ജിദ്ദ കെ.എം.സി.സി കോഴിക്കോട് ജില്ല കമ്മിറ്റി വൈസ് പ്രസിഡൻറ് ഇബ്രാഹീം കൊല്ലി ഉപഹാരം നൽകി. മണ്ഡലം ട്രഷറർ ഇസ്മായിൽ നരിപ്പറ്റ, അജ്മൽ വള്ളിയാട്, അഷ്റഫ് ആനാഴി തുടങ്ങിയവർ ആശംസ നേർന്നു. യാത്രയയപ്പിന് ഹാരിസ് മാസ്റ്റർ മറുപടി പറഞ്ഞു. മണ്ഡലം ജനറൽ സെക്രട്ടറി മുഹ്സിൻ നാദാപുരം സ്വാഗതവും ഓർഗനൈസിങ് സെക്രട്ടറി ഷംസീർ ചോയിമുക്ക് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.