ഭക്തിസാന്ദ്രമായി റമദാനിലെ ആദ്യ ജുമുഅ

മ​ക്ക: റ​മ​ദാ​നി​ലെ ആ​ദ്യ വെ​ള്ളി​യാ​ഴ്​​ച കൂ​ടു​ത​ൽ ഭ​ക്തി​സാ​ന്ദ്ര​മാ​യി ഇ​രു ഹ​റ​മു​ക​ളും. ജു​മു​അ ന​മ​സ്​​കാ​ര​ത്തി​ന് മ​ക്ക മ​സ്​​ജി​ദു​ൽ ഹ​റാ​മി​ലും മ​ദീ​ന മ​സ്​​ജി​ദു​ന്ന​ബ​വി​യി​ലും ല​ക്ഷ​ക്ക​ണ​ക്കി​ന്​ വി​ശ്വാ​സി​ക​ളെ​ത്തി. രാ​വി​ലെ മു​ത​ലേ ഹ​റ​മു​ക​ളി​ലേ​ക്ക്​ വി​ശ്വാ​സി​ക​ളു​ടെ ഒ​ഴു​ക്ക്​​ തു​ട​ങ്ങി​യി​രു​ന്നു. ഇ​രു പ​ള്ളി​ക​ളി​ലേ​ക്കു​മു​ള്ള എ​ല്ലാ റോ​ഡു​ക​ളും ക​വി​ഞ്ഞൊ​ഴു​കി. ആ​ഭ്യ​ന്ത​ര, വി​ദേ​ശ ഉം​റ തീ​ർ​ഥാ​ട​ക​രും സ്വ​ദേ​ശി​ക​ളും താ​മ​സ​ക്കാ​രും ഒ​രു​മി​ച്ച​തോ​ടെ ജു​മു​അ ന​മ​സ്​​കാ​ര​വേ​ള​യി​ൽ മ​സ്​​ജി​ദു​ൽ ഹ​റാ​മും പ​രി​സ​ര​വും തി​ങ്ങി​നി​റ​ഞ്ഞു.

ആ​ദ്യ വെ​ള്ളി​യാ​ഴ്ച​യി​ലെ തി​ര​ക്ക്​ മു​ൻ​കൂ​ട്ടി ക​ണ്ട്​ ഇ​രു​ഹ​റം പ​രി​പാ​ല​ന അ​തോ​റി​റ്റി​യും ബ​ന്ധ​പ്പെ​ട്ട വ​കു​പ്പു​ക​ളും ആ​വ​ശ്യ​മാ​യ ത​യാ​റെ​ടു​പ്പു​ക​ൾ നേ​ര​ത്തേ പൂ​ർ​ത്തി​യാ​ക്കി​യി​രു​ന്നു. ന​മ​സ്​​കാ​ര​ത്തി​നാ​യി കൂ​ടു​ത​ൽ സ്ഥ​ല​ങ്ങ​ൾ ഒ​രു​ക്കി. ഒ​രോ വ​കു​പ്പു​ക​ളും കൂ​ടു​ത​ലാ​ളു​ക​ളെ സേ​വ​ന​ത്തി​നാ​യി നി​യോ​ഗി​ച്ചു. ഹ​റ​മി​ന​ടു​ത്ത്​ തി​ര​ക്ക്​ കു​റ​ക്കാ​നും ആ​ളു​ക​ളു​ടെ സ​ഞ്ചാ​രം വ്യ​വ​സ്ഥാ​പി​ത​മാ​ക്കാ​നും പൊ​തു​സു​ര​ക്ഷ, ട്രാ​ഫി​ക്​ വി​ഭാ​ഗ​ങ്ങ​ൾ രം​ഗ​ത്തു​ണ്ടാ​യി​രു​ന്നു. പ​ഴു​ത​ട​ച്ച സു​ര​ക്ഷ സം​വി​ധാ​ന​ങ്ങ​ളാ​ണ്​​ ഒ​രു​ക്കി​യ​ത്.

വ​ഴി​ക​ളി​ൽ ആ​ളു​ക​ളു​ടെ ഇ​രു​ത്ത​വും കി​ട​ത്ത​വും പൂ​ർ​ണ​മാ​യും ക​ർ​ശ​ന​മാ​യി ത​ട​ഞ്ഞു. കൂ​ടു​ത​ൽ പാ​ർ​ക്കി​ങ്​ കേ​ന്ദ്ര​ങ്ങ​ൾ ഒ​രു​ക്കി വാ​ഹ​ന​ങ്ങ​ൾ അ​തി​ലേ​ക്ക്​ തി​രി​ച്ചു​വി​ട്ടു. ഹ​റ​മി​ലേ​ക്കും തി​രി​ച്ചു​മു​ള്ള ബ​സ്​ സ​ർ​വി​സു​ക​ളു​ടെ എ​ണ്ണം കൂ​ട്ടി. മ​സ്​​ജി​ദു​ൽ ഹ​റാ​മി​ൽ ജു​മു​അ ന​മ​സ്​​കാ​ര​ത്തി​ന്​ ശൈ​ഖ്​ അ​ബ്​​ദു​ല്ല അ​ൽ ജു​ഹ​നി നേ​തൃ​ത്വം ന​ൽ​കി.

പു​ണ്യ​ങ്ങ​ളു​ടെ മാ​സ​മാ​യ റ​മ​ദാ​നെ പ്ര​യോ​ജ​ന​പ്പെ​ടു​ത്താ​ൻ ഇ​മാം ജു​മു​അ പ്ര​സം​ഗ​ത്തി​ൽ വി​ശ്വാ​സി​ക​ളെ ആ​ഹ്വാ​നം ചെ​യ്​​തു. അ​നു​ഗ്ര​ഹ​ങ്ങ​ളു​ടെ മാ​സ​ത്തി​ന്​ ഗൗ​ര​വ​ത്തോ​ടെ​യും ഉ​ത്സാ​ഹ​ത്തോ​ടെ​യും ദൈ​വ​ത്തി​ന്​ ന​ന്ദി​പ​റ​യു​ക. പു​ണ്യ​ങ്ങ​ളു​ടെ കാ​ല​ത്തി​ന്റെ ഗു​ണ​ഭോ​ക്താ​ക്ക​ളാ​കു​ക. അ​നു​ഗ്ര​ഹ​ങ്ങ​ളെ പ്ര​യോ​ജ​ന​പ്പെ​ടു​ത്തു​ക. സ​ന്തു​ഷ്​​ട​നാ​യ വ്യ​ക്തി ത​ന്റെ കാ​ര്യ​ങ്ങ​ൾ മു​ട​ക്കം വ​രു​ത്താ​തെ ചെ​യ്യും, ജാ​ഗ്ര​ത പാ​ലി​ക്കും, അ​വ​സ​രം പ്ര​യോ​ജ​ന​പ്പെ​ടു​ത്തും.

എ​ല്ലാ​വ​രും സ​ന്തു​ഷ്​​ട​നാ​യ വ്യ​ക്തി​ക​ളാ​വു​ക. ഖു​ർ​ആ​ൻ പ​തി​വാ​യി പാ​രാ​യ​ണം ചെ​യ്യു​ക​യും അ​ഗ​തി​ക​ൾ​ക്കും അ​നാ​ഥ​ർ​ക്കും ദാ​നം ന​ൽ​കു​ക​യും ചെ​യ്യു​ക. അ​തി​ക്ര​മ​ങ്ങ​ളി​ൽ​നി​ന്നും പാ​പ​ങ്ങ​ളി​ൽ​നി​ന്നും അ​ക​ന്നു ക​ഴി​യു​ക. ഈ ​ജീ​വി​ത​ത്തി​ന്റെ കാ​ലാ​വ​ധി അ​വ​സാ​നി​ക്കു​ന്ന​തി​ന് മു​മ്പ് അ​ത് പ്ര​യോ​ജ​ന​പ്പെ​ടു​ത്തു​ക. ദൈ​വി​ക അ​നു​സ​ര​ണ​ത്തി​ലും പു​ണ്യ​ങ്ങ​ളി​ലും തി​ടു​ക്കം കൂ​ട്ടു​ക. കാ​ര​ണം നി​ങ്ങ​ൾ ഏ​റ്റ​വും മ​ഹ​ത്താ​യ മാ​സ​ത്തി​ലാ​ണ്. ദൈ​വം ത​​ന്റെ ദാ​സ​ന്മാ​ർ​ക്ക്​ ന​ൽ​കി​യ ഏ​റ്റ​വും വ​ലി​യ അ​നു​ഗ്ര​ഹ​ങ്ങ​ളി​ലൊ​ന്നാ​ണ​ത്.

കാ​രു​ണ്യ​വും അ​നു​ഗ്ര​ഹ​വും നി​റ​ഞ്ഞ മാ​സ​മാ​ണ്. നോ​മ്പെ​ടു​ക്കു​ന്ന​വ​ർ സ​ന്തോ​ഷി​ക്കു​ന്ന മാ​സ​മാ​ണ്. ജോ​ലി ചെ​യ്യു​ന്ന​വ​ർ​ക്ക് ദൈ​വ​ത്തി​ൽ​നി​ന്ന് ലാ​ഭം നേ​ടാ​നാ​കു​മെ​ന്നും ഇ​മാം പ​റ​ഞ്ഞു. മ​സ്​​ജി​ദു​ന്ന​ബ​വി​യി​ൽ ജു​മു​അ പ്ര​സം​ഗ​ത്തി​നും ന​മ​സ്​​കാ​ര​ത്തി​നും ഡോ. ​അ​ഹ്മ​ദ് അ​ൽ ഹു​ദൈ​ഫി നേ​തൃ​ത്വം ന​ൽ​കി. റ​മ​ദാ​ൻ മാ​സ​ത്തെ പ്രാ​പി​ക്കാ​നാ​കു​ന്ന​ത്​​ വ്യ​ക്ത​മാ​യ അ​നു​ഗ്ര​ഹ​മാ​ണെ​ന്നും അ​തി​ന്​ ദൈ​വ​ത്തോ​ട്​​ ന​ന്ദി പ​റ​യേ​ണ്ട​തു​ണ്ടെ​ന്നും ഇ​മാം പ​റ​ഞ്ഞു. പു​ണ്യ​വും ശ്രേ​ഷ്ഠ​വു​മാ​യ സ​മ​യ​ത്തി​ന് സാ​ക്ഷി​ക​ളാ​വു​ക​യാ​ണ്. റ​മ​ദാ​നി​ൽ ദാ​സ​ൻ അ​വ​​ന്റെ സ്ര​ഷ്​​ടാ​വി​ലേ​ക്ക്​ കൂ​ടു​ത​ൽ അ​ടു​ക്കു​ന്നു.

സ്ര​ഷ്​​ടാ​വി​നോ​ടു​ള്ള അ​നു​സ​ര​ണ​ത്തി​​ന്റെ മേ​ഖ​ല​ക​ളി​ലേ​ക്ക് പു​റ​പ്പെ​ടു​ന്നു. ആ​ഗ്ര​ഹ​ങ്ങ​ളെ നി​യ​ന്ത്രി​ക്കു​ന്നു. അ​ങ്ങ​നെ റ​മ​ദാ​നി​ലെ മ​ണി​ക്കൂ​റു​ക​ൾ തി​രി​ച്ച​റി​ഞ്ഞ് നി​മി​ഷം​​പ്ര​തി പ്ര​യോ​ജ​ന​പ്പെ​ടു​ത്താ​ൻ ത​യാ​റാ​വു​ക.

ഈ ​സ​മ​യ​ങ്ങ​ൾ ദൈ​വ​ത്തെ അ​നു​സ​രി​ക്കു​ന്ന​തി​നും തൃ​പ്​​തി​പ്പെ​ടു​ത്തു​ന്ന​തി​നും ഉ​പ​യോ​ഗ​പ്പെ​ടു​ത്തു​ന്ന​വ​നാ​രോ അ​വ​ൻ​ വി​ജ​യി​ച്ച​വ​നാ​ണെ​ന്നും ഇ​മാം കൂ​ട്ടി​ച്ചേ​ർ​ത്തു.