പ്രവാസം മതിയാക്കി നാട്ടിലേക്ക് മടങ്ങുന്ന ശുഐബ് വരിക്കോടനുള്ള ഇസ്ലാഹി സെന്ററിന്റെ ഉപഹാരം കെ.എ. മുഹമ്മദ് ഫായിസി നൽകുന്നു
യാംബു: പ്രവാസം മതിയാക്കി നാട്ടിലേക്ക് മടങ്ങുന്ന യാംബു റോയൽ കമീഷൻ ഇൻഡസ്ട്രിയൽ കോളജ് പ്രഫസറും ഇന്ത്യൻ ഇസ്ലാഹി സെൻറർ റോയൽ കമീഷൻ (ആർ.സി) എക്സിക്യൂട്ടിവ് അംഗവുമായിരുന്ന ശുഐബ് വരിക്കോടന് യാംബു ഇന്ത്യൻ ഇസ്ലാഹി സെൻറർ ആർ.സി യാത്രയയപ്പ് നൽകി. യാംബുവിൽ മത സാംസ്കാരിക രംഗത്ത് സജീവമായിരുന്ന ശുഐബ് വരിക്കോടൻ വിവിധ പരിപാടികളിൽ മോട്ടിവേഷൻ ക്ലാസുകളെടുക്കാൻ സജീവമായി രംഗത്തുണ്ടായിരുന്നു.
12 വർഷമായി യാംബു ഇൻഡസ്ട്രിയൽ കോളജിൽ അധ്യാപകനായി സേവനം ചെയ്തിരുന്ന അദ്ദേഹം ഇസ്ലാഹി സെൻറർ മദ്റസ കൺവീനറായും സേവനം ചെയ്തിരുന്നു. യാംബു ആർ.സിയിൽ നടന്ന യാത്രയയപ്പ് പരിപാടിയിൽ ശുഐബ് വരിക്കോടനുള്ള ഇസ്ലാഹി സെൻററിന്റെ ഉപഹാരം ആർ.സി ഇന്ത്യൻ ഇസ്ലാഹി സെൻറർ പ്രസിഡൻറ് കെ.എ. മുഹമ്മദ് ഫായിസി സമ്മാനിച്ചു.
ജനറൽ സെക്രട്ടറി നിയാസുദ്ദീൻ കോട്ടപ്പറമ്പ്, ആർ.സി ജാലിയാത്ത് മലയാളം വിഭാഗം മേധാവി അബ്ദുൽ അസീസ് സുല്ലമി, യാംബു ഇന്ത്യൻ ഇസ്ലാഹി സെൻറർ ജനറൽ സെക്രട്ടറി അബ്ദുൽ മജീദ് സുഹ്രി, നിയാസ് പുത്തൂർ എന്നിവർ സംസാരിച്ചു. പ്രഫസർ ശുഐബ് വരിക്കോടൻ മറുപടി പ്രസംഗം നടത്തി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.