പ്രവാസം അവസാനിപ്പിച്ച് മടങ്ങൂന്ന റിയാദ് കെ.എം.സി.സി തൃശൂർ ജില്ല പ്രസിഡൻറ് ഷൗക്കത്ത് അലി പലപ്പിള്ളിക്ക് സെൻട്രൽ കമ്മിറ്റി ചെയർമാൻ അബ്ദുസലാം തൃക്കരിപ്പൂർ ഓർമഫലകം കൈമാറുന്നു
റിയാദ്: പ്രവാസം അവസാനിപ്പിച്ച് മടങ്ങുന്ന കെ.എം.സി.സി തൃശൂർ ജില്ല കമ്മിറ്റി പ്രസിഡന്റ് ഷൗക്കത്ത് അലി പലപ്പിള്ളിക്ക് യാത്രയയപ്പും പ്രവർത്തക സംഗമവും സംഘടിപ്പിച്ചു. ബത്ഹ കെ.എം.സി.സി ഓഡിറ്റോറിയത്തിൽ നടന്ന പരിപാടിയിൽ ജില്ല ജനറൽ സെക്രട്ടറി കബീർ വൈലത്തൂർ അധ്യക്ഷത വഹിച്ചു. സെൻട്രൽ കമ്മിറ്റി ചെയർമാൻ അബ്ദുസലാം തൃക്കരിപ്പൂർ ഉദ്ഘാടനം ചെയ്തു. അദ്ദേഹം ഓർമഫലകം കൈമാറി.
ജില്ല കമ്മിറ്റിയുടെ ഉപഹാരം ജനറൽ സെക്രട്ടറി കബീർ വൈലത്തൂർ ചെയർമാൻ അബ്ദുൽ ഖാദർ വേന്മനാട് എന്നിവർ ചേർന്ന് കൈമാറി. യോഗത്തിൽ സെൻട്രൽ കമ്മിറ്റി സെക്രട്ടറി മുജീബ് ഉപ്പട, അബ്ദുൽ കാദർ വെന്മേനാട്, ഉമർ ഫാറൂഖ്, ബഷീർ ചെറുവത്താണി, ഹിജാസ് തിരുനല്ലൂർ, മുഹമ്മദ് കുട്ടി ചേലക്കര, ഷാഹിദ് കരുകമാട്, ഉമർ ചളിങ്ങാട്, നിസാർ മരുതയൂർ, നാസർ ആറ്റുപ്പുറം തുടങ്ങിയവർ സംസാരിച്ചു. ഷിഫ്നാസ് ശാന്തിപുരം ഖിറാഅത്ത് നിർവഹിച്ചു. അൻഷാദ് കയ്പമംഗലം സ്വാഗതവും മുഹമ്മദ് ഷാഫി വടക്കേക്കാട് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.