റിയാദ്: കളിക്കുന്നതിനിടെ സോഫയിൽ നിന്ന് വീണ മൂന്നുവയസുകാരൻ മലയാളി ബാലൻ മരിച്ചു. റിയാദ് അതീഖയിലെ ഫ്ലാറ്റിലുണ്ടായ സംഭവത്തിൽ കണ്ണൂർ ആലക്കോട് സ്വദേശി കുരിശുംമൂട്ടിൽ സനീഷ് സെബാസ്റ്റ്യെൻറ ഇളയ മകൻ നിഹാൽ തോമസാണ് മരിച്ചത്.
വീട്ടിലെ സോഫയിൽനിന്ന് കാൽവഴുതി വീണാണ് അപകടം. ഉടൻ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം ശുമൈസി ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. സൗദി ജർമൻ ആശുപ്രതിയിലെ മുൻ ജീവനക്കാരനായ സനീഷും സുലൈമാൻ അൽഹബീബ് ആശുപത്രിയിൽ സ്റ്റാഫ് നഴ്സായ ഭാര്യ ഡിംപിൾ സനീഷും ഏഴുവർഷമായി റിയാദിലുണ്ട്.
ഇവരുടെ മൂത്ത മകൾ നയന (എട്ട്) കണ്ണൂർ ആലക്കോട് സെൻറ് മേരീസ് സ്കൂളിൽ നാലാം ക്ലാസ് വിദ്യാർഥിനിയാണ്. മൃതദേഹം നാട്ടിൽ കൊണ്ടുപോകുന്നതിന് ഒ.െഎ.സി.സി ജീവകാരുണ്യ പ്രവർത്തകൻ മാത്യുവിെൻറ നേതൃത്വത്തിൽ ശ്രമങ്ങളാരംഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.