ജുബൈൽ: ജനുവരി ഒന്ന്, 22 തീയതികളിൽ ജുബൈൽ ഫിഫ അറീന സ്റ്റേഡിയത്തിൽ വൈ.എഫ്.സി ജുബൈൽ സംഘടിപ്പിക്കുന്ന ക്രിസ്റ്റൽ വൈ.എഫ്.സി ചാമ്പ്യൻസ് കപ്പ് 2025ന്റെ ഫിക്സ്ചർ പ്രകാശനവും ജേഴ്സി പ്രകാശനവും നിർവഹിച്ചു. ജുബൈൽ സഫ്റോൺ റസ്റ്റാറൻറിൽ നടന്ന പരിപാടിയിൽ ടൂർണമെൻറ് വിശദാംശങ്ങൾ ടൂർണമെൻറ് കൺവീനർ അബ്ദുല്ല സഈദ് വിശദീകരിച്ചു.
ടൂർണമെൻറ് നിയമാവലിയും കളിയുടെ രീതികളും ടെക്നിക്കൽ ഹെഡ് അജിത് സ്പിങ്ങർ നിർവഹിച്ചു. തുടർന്ന് ടൂർണമെൻറ് ജേഴ്സി ക്രിസ്റ്റൽ പ്രതിനിധികളും ക്ലബ് ഭാരവാഹികളും ചേർന്ന് നിർവഹിക്കുകയും ടൂർണമെൻറ് ഫിക്സ്ചർ നറുക്കെടുപ്പു നടക്കുകയും ചെയ്തു. കിഴക്കൻ പ്രവിശ്യയിലെ മികച്ച എട്ട് ടീമുകൾ പങ്കെടുക്കുന്ന ടൂർണമെൻറ് രണ്ടു പൂളുകളിലായി തിരിച്ചാണ് മത്സരങ്ങൾ നടത്തുന്നത്.
മത്സരങ്ങൾ ജുബൈൽ ഫിഫ അറീന സ്റ്റേഡിയത്തിൽ ജനുവരി ഒന്നിന് രാത്രി 9.30-ന് തുടക്കം കുറിക്കും. പരിപാടിക്ക് അഹമ്മദ് റാഷിദ്, ഷിബിൻ, അബ്ദുറഹ്മാൻ, ഫൈസൽ, സഈദ്, ബിലാൽ, ആഷിക് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.