ജിദ്ദ: സൗദിയിൽ ഇന്ന് പുതുതായി റിപ്പോർട്ട് ചെയ്ത കോവിഡ് രോഗികളുടെ എണ്ണം വർധിച്ചു. ഇന്ന് 1,047 പേർക്ക് പുതുതായി രോഗം സ്ഥിരീകരിച്ചു. 847 രോഗമുക്തിയും റിപ്പോർട്ട് ചെയ്തു. രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 4,35,027. ആകെ രോഗമുക്തരുടെ എണ്ണം 4,19,761.
പുതുതായി 14 മരണങ്ങൾ റിപ്പോർട്ട് ചെയ്തു. ഇതുവരെ ആകെ മരിച്ചവരുടെ എണ്ണം 7,188 ആയി. വിവിധ ആശുപത്രികളിലും മറ്റുമായി നിലവിൽ ചികിത്സയിലുള്ള രോഗികളുടെ എണ്ണം 8,078 ആയി. ഇവരിൽ 1,384 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96.46 ശതമാനവും മരണനിരക്ക് 1.65 ശതമാനവുമാണ്.
റിയാദിലാണ് ഏറ്റവും കൂടുതൽ രോഗികൾ പുതുതായി സ്ഥിരീകരിച്ചത്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 326, മക്ക 250, കിഴക്കൻ പ്രവിശ്യ 122, അസീർ 73, മദീന 70, ജീസാൻ 48, അൽ ഖസീം 37, തബൂക്ക് 33, നജ്റാൻ 26, ഹാഇൽ 19, അൽബാഹ 17, വടക്കൻ തിർത്തി മേഖല 16, അൽ ജൗഫ് 10.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.