ജിദ്ദ: സൗദി അറേബ്യയിൽ കോവിഡ് പ്രതിദിന കോവിഡ് രോഗികളുടെ എണ്ണം വീണ്ടും വർധിച്ചു. 390 പേർക്കാണ് ചൊവ്വാഴ്ച പുതുതായി കോവിഡ് ബാധിച്ചത്. 306 പേർ പുതുതായി രോഗമുക്തി നേടി. രാജ്യത്ത് വിവിധ ഭാഗങ്ങളിൽ ചികിത്സയിൽ കഴിയുന്നവരിൽ അഞ്ച് പേർ കൂടി മരിച്ചു. ഇതുവരെ രോഗം സ്ഥിരീകരിച്ചവരുടെ ആകെ എണ്ണം 380572 ആയി. ഇതിൽ 371338 പേർ രോഗമുക്തി നേടി. ആകെ മരണസംഖ്യ 6539 ആയി. രാജ്യത്തെ വിവിധ ആശുപത്രികളിലും മറ്റുമായി 2695 പേർ ചികിത്സയിൽ ഉണ്ട്.
ഇവരിൽ 515 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 97.6 ശതമാനവും മരണനിരക്ക് 1.8 ശതമാനവുമാണ്. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 192, കിഴക്കൻ പ്രവിശ്യ 61, മക്ക 58, അൽ ഖസീം 16, മദീന 12, ഹാഇൽ 11, വടക്കൻ അതിർത്തി മേഖല 11, അസീർ 9, അൽജൗഫ് 5, തബൂക്ക് 5, നജ്റാൻ 5, ജീസാൻ 4, അൽബാഹ 1.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.