ജിദ്ദ: സൗദിയിൽ ഇന്ന് 15 കോവിഡ് മരണങ്ങൾ റിപ്പോർട്ട് ചെയ്തു. ഇതോടെ രാജ്യത്ത് ആകെ മരിച്ചവരുടെ എണ്ണം 7,377 ആയി. ഇന്ന് റിപ്പോർട്ട് ചെയ്ത പുതിയ രോഗികളുടെ എണ്ണം 1,251 ഉം രോഗമുക്തരായവരുടെ എണ്ണം 1,026 ഉം ആണ്. ഇതോടെ രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 4,51,687 ഉം ആകെ രോഗമുക്തരുടെ എണ്ണം 4,34,439 ഉം ആയി. വിവിധ ആശുപത്രികളിലും മറ്റുമായി നിലവിൽ 9,871 പേർ ചികിത്സയിലുണ്ട്. ഇവരിൽ 1,443 പേരുടെ നില ഗുരുതരമാണ്.
ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96.20 ശതമാനവും മരണനിരക്ക് 1.63 ശതമാനവുമാണ്. മക്ക, റിയാദ് പ്രവിശ്യകളിലാണ് ഏറ്റവും കൂടുതൽ രോഗികൾ റിപ്പോർട്ട് ചെയ്യുന്നത്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: മക്ക 367, റിയാദ് 349, കിഴക്കൻ പ്രവിശ്യ 148, അസീർ 88, മദീന 87, ജീസാൻ 55, അൽ ഖസീം 44, നജ്റാൻ 30, തബൂക്ക് 26, ഹാഇൽ 22, അൽബാഹ 20, വടക്കൻ തിർത്തി മേഖല 11, അൽ ജൗഫ് 4.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.