ദമ്മാം: അല് അഹ്സ ഹൈവേയില് അബ്ഖൈക്കിൽ കാർ ഡിവൈഡറിൽ ഇടിച്ച് മറിഞ്ഞ് മലയാളി എഞ്ചിനീയർ മരിച്ചു. കണ്ണൂര് ഇരിട്ടി സ്വദേശി സ്വപ്നന് സിമോനാണ് (24) മരിച്ചത്. സ്വകാര്യകമ്പനിയിൽ മെക്കാനിക്കൽ എഞ്ചിനീയറാണ്. ജോലിയാവശ്യാർഥം ശനിയാഴ്ച പുറത്തുപോയ യുവാവ് തിരിച്ചു വരാത്തതിനെ തുടർന്ന് സുഹൃത്തുക്കൾ നടത്തിയ അന്വേഷണത്തിലാണ് ഞായറാഴ്ച വൈകുന്നേരം അപകടവിവരം അറിയുന്നത്.
യുവാവിെൻറ പേരിലുള്ള കാറിലാണ് സഞ്ചരിച്ചത്. ഉറങ്ങിപ്പോയതാണ് അപകടകാരണമെന്നാണ് വിവരം. കൂടെയുണ്ടായിരുന്ന പാക്കിസ്ഥാന് സ്വദേശിക്ക് ഗുരുതര പരിക്കേറ്റിട്ടുണ്ട്. ഒരു വര്ഷം മുമ്പാണ് സ്വപ്നന് ദമ്മാമില് എത്തിയത്. കണ്ണൂരിലെ സെൻറ് ജോസഫ് സീനിയർ സെക്കൻറി സ്കൂൾ പ്രിൻസിപ്പൽ സിമോൻ ചാണ്ടിയാണ് പിതാവ്. മൃതദേഹം അബ്ഖൈക്ക് സെന്ട്രല് ആശുപത്രിയില് സൂക്ഷിച്ചിരിക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.