ജിദ്ദ തിരുവിതാംകൂർ അസോസിയേഷൻ സംഘടിപ്പിച്ച രക്തദാനപരിപാടി
ജിദ്ദ: സൗദി അറേബ്യയുടെ സ്ഥാപക ദിനാഘോഷത്തിന്റെ ഭാഗമായി ജിദ്ദ തിരുവിതാംകൂർ അസ്സോസിയേഷൻ (ജെ.ടി.എ) രക്തദാനം നടത്തി. ജിദ്ദ കിങ് അബ്ദുൽ അസീസ് മെഡിക്കൽ സിറ്റി ബ്ലഡ് ബാങ്കിൽ നടന്ന രക്തദാനത്തിൽ നിരവധി ജെ.ടി.എ പ്രവർത്തകർ പങ്കെടുത്തു. 'ജീവിതം നൽകുന്ന നാടിന് ജീവരക്തം' എന്ന പ്രമേയം ജെ.ടി.എ ഉൾക്കൊള്ളുന്നതിന്റെ ഭാഗമായാണ് ഇത്തരം മഹദ് പ്രവർത്തനങ്ങളെന്ന് പ്രസിഡന്റ് അലി തേക്കുതോട് അഭിപ്രായപ്പെട്ടു.
സാമൂഹികവും സാംസ്കാരികവുമായ പ്രതിബദ്ധത നിറഞ്ഞ പ്രവർത്തനങ്ങൾക്ക് പിന്തുണ നൽകുന്ന എല്ലാ പ്രവർത്തകരോടും അകമഴിഞ്ഞ നന്ദിയുണ്ടെന് ജെ.ടി.എ നേതാക്കളായ അനിൽ വിദ്യാധരൻ, നൗഷാദ് പൻമന എന്നിവർ അറിയിച്ചു. ദിലീപ് താമരക്കുളം, മാജ സാഹിബ് ഓച്ചിറ, മസൂദ് തിരുവനന്തപുരം, ശിഹാബ് താമരക്കുളം, മുജീബ് കന്യാകുമാരി, സുൽഫിക്കർ കൊല്ലം, എഞ്ചിനീയർ രാംകുമാർ, ശ്രീജിത്ത്, ശ്രീദേവി അനിൽ, മാഹിൻ കുളച്ചൽ, രമ്യ രാംകുമാർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.