ജേതാക്കളായ അറേബ്യൻ ചലഞ്ചേഴ്സ് ടീം
റിയാദ്: കേളി കലാസാംസ്കാരിക വേദി അസീസിയ ഏരിയ സൂപ്പർ കപ്പ് 2022 സെവൻസ് ഫുട്ബാൾ ടൂർണമെന്റിൽ അറേബ്യൻ ചലഞ്ചേഴ്സ് ജേതാക്കളായി. ന്യൂ സനാഇയ അൽ-ഇസ്കാൻ ഗ്രൗണ്ടിൽ നടന്ന മത്സരത്തിൽ റിയാദ് ബ്ലാസ്റ്റേഴ്സിനെയാണ് പരാജയപ്പെടുത്തിയത്. എട്ട് ടീമുകൾ മാറ്റുരച്ച ടൂർണമെന്റ് മുഖ്യ രക്ഷാധികാരിയും ലോക കേരള സഭാംഗവുമായ കെ.പി.എം. സാദിഖ് ഉദ്ഘാടനം ചെയ്തു. സംഘാടക സമിതി ചെയർമാൻ റഫീഖ് അരിപ്ര അധ്യക്ഷത വഹിച്ചു.
സതീഷ് കുമാർ, ജോയന്റ് സെക്രട്ടറി സുരേഷ് കണ്ണപുരം, ഇതാർ ഹോളിഡേയ്സ് പ്രതിനിധി യാസിർ, ഡോ. സമീർ പോളിക്ലിനിക് പ്രതിനിധി റഫീഖ് ഹസ്സൻ, കുടുംബവേദി സെക്രട്ടറി സീബ കൂവോട് എന്നിവർ സംസാരിച്ചു. ടൂർണമെന്റിന്റെ കിക്കോഫ് കേളി കേന്ദ്ര സ്പോർട്സ് കമ്മിറ്റി കൺവീനർ ഷറഫുദ്ദീൻ നിർവഹിച്ചു. ഫൈനലിൽ റിയാദ് ബ്ലാസ്റ്റേഴ്സ്-അറേബ്യൻ ചാലഞ്ചേഴ്സ് മത്സരം 1-1 സമനിലയിൽ കലാശിച്ചു. ടൈബ്രേക്കറിൽ അറേബ്യൻ ചലഞ്ചേഴ്സ് 5-4ന് ജേതാക്കളായി. സമാപനച്ചടങ്ങിൽ വൈസ് പ്രസിഡന്റ് സുരേന്ദ്രൻ കൂട്ടായി, കൺവീനർ ഷാജി റസാഖ്, യാസിർ, സുധീർ, ചെയർമാൻ റഫീഖ് അരിപ്ര, സുഭാഷ് എന്നിവർ ചേർന്ന് വിജയികൾക്കും റണ്ണേഴ്സിനുമുള്ള സമ്മാനങ്ങൾ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.