അൽബാഹ: മിനി വാൻ ചുരത്തിലേക്ക് മറിഞ്ഞ് എട്ട് പേർ മരിച്ചു. 7 പേർക്ക് പരിക്കേറ്റു. ബൽജറശി മേഖലയിലെ ഹസ്മ ചുരത്തിനടുത്ത് ശനിയാഴ്ച വെകുന്നേരമാണ് അപകടമുണ്ടായതെന്ന് അൽബാഹ റെഡ്ക്രസൻറ് വക്താവ് ഇമാദ് അൽസഹ്റാനി പറഞ്ഞു. ചുരം റോഡ് ഇറങ്ങുന്നതിനിടെയാണ് അപകടം. വാനിൽ ആകെ 15 പേരാണ് ഉണ്ടായിരുന്നത്.വിദേശികളായ തൊഴിലാളികളുമായി പോയ മിനി വാനാണ് അപകടത്തിൽപ്പെട്ടത്. ഇവർ ഏത് രാജ്യക്കാരാണെന്ന് വ്യക്തമായിട്ടില്ല. രക്ഷാപ്രവർത്തനത്തിന് റെഡ്ക്രസൻറ്, സിവിൽ ഡിഫൻസ്, പൊലീസ് സ്ഥലത്തെത്തി. പരിക്കേറ്റവരെ ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.