ഫസ്തിക്ക് ഇലാൻ
ജിദ്ദ: മലപ്പുറം സ്വദേശിയായ ബാലൻ ജിദ്ദയിൽ മരിച്ചു. തിരൂരങ്ങാടി ചെമ്മാട് സ്വദേശികളായ കാരാടൻ ഫവാസ് - നസീബ ദമ്പതികളുടെ മകൻ ഫസ്തിക്ക് ഇലാൻ (9) ആണ് ശനിയാഴ്ച പുലർച്ചെ മരിച്ചത്.
ജന്മനാലുള്ള രോഗ പ്രതിരോധശേഷി കുറവ് കാരണം ചികിത്സയിലായിരുന്നു. ഒരാഴ്ചയായി ജിദ്ദ സുലൈമാൻ ഫഖീഹ് ആശുപത്രി തീവ്രപരിചരണ വിഭാഗത്തിൽ ചികിത്സയിലിരിക്കെയാണ് മരണം.
ജിദ്ദ കുഹ്നെ നാഗൽ ഷിപ്പിങ് കമ്പനിയിൽ ക്വാളിറ്റി മാനേജറായി ജോലി ചെയ്യുകയാണ് പിതാവ് ഫവാസ്. ഇവർക്ക് രണ്ട് വയസ്സുള്ള മകൾ കൂടിയുണ്ട്, ഫാത്തിമ നാസ്ലി.
ജിദ്ദയിലെ മുൻ പ്രവാസി സമദ് കാരാടെൻറ പൗത്രനാണ് മരിച്ച ഫസ്തിക്ക് ഇലാൻ. നടപടിക്രമങ്ങൾ പൂർത്തിയാക്കി മൃതദേഹം ജിദ്ദയിൽ ഖബറടക്കുമെന്ന് സമദ് കാരാടെൻറ സഹോദരനും സാമൂഹിക പ്രവർത്തകനുമായ സലാഹ് കാരാടൻ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.