റിയാദ്: റിയാദിലെ പ്രിന്‍സ് സുല്‍ത്താന്‍ മെഡിക്കല്‍ സിറ്റിയില്‍ സ്വദേശി വനിത ആറ് കുഞ്ഞുങ്ങള്‍ക്ക് ജന്മം നല്‍കി. 60 പേരടങ്ങുന്ന വൈദ്യസംഘമാണ് ശസ്ത്രക്രിയയിലൂടെ കുഞ്ഞുങ്ങളെ പുറത്തെടുത്തത് എന്ന് പ്രാദേശിക മാധ്യമങ്ങൾ റിപ്പോർട്ട് ചെയ്തു. കുട്ടികള്‍ ആറ് പേരും സുഖമായിരിക്കുന്നുവെന്ന് മെഡിക്കല്‍ സിറ്റിയിലെ സ്ത്രീ, ശിശു രോഗ വിദഗ്ധന്‍ ഡോ. ഉസാമ അത്തുവൈജിരി പറഞ്ഞു. സാധാരണ ഇത്തരം കേസുകളില്‍ ഗര്‍ഭത്തിെൻറ ഏഴാം മാസം ശസ്ത്രക്രിയ നടത്താറാണ് പതിവെങ്കിലും ഇവര്‍ എട്ട് മാസം പൂര്‍ത്തിയാക്കി. കുഞ്ഞുങ്ങള്‍ ഒരു മാസത്തോളം ആശുപത്രി പരിചരണത്തില്‍ കഴിയേണ്ടിവരുമെന്നും മെഡിക്കല്‍ സിറ്റി വൃത്തങ്ങള്‍ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.