ജിദ്ദ: മലപ്പുറം സ്വദേശി ജിദ്ദയിൽ കത്തിക്കുത്തേറ്റു മരിച്ചു. കൂട്ടിലങ്ങാടി ചേലൂർ സ്വദേശി മൈലപ്പുറം പറമ്പിൽ അബ്ദുൽ അസീസ് (അബ്ദുകാക്ക, 60) ആണ് മരിച്ചത്. ജിദ്ദ സനാഇയയിൽ ഒരു കമ്പനിയിൽ സൂപ്പർവൈസറായി ജോലിചെയ്യുകയായിരുന്നു. കമ്പനിയിൽവെച്ച് സഹജീവനക്കാരനായ പാകിസ്താനി പൗരെൻറ കുത്തേറ്റ ഇദ്ദേഹം സംഭവസ്ഥലത്തുതന്നെ മരിച്ചു എന്നാണ് പ്രാഥമിക വിവരം. തടയാൻ ശ്രമിച്ച മറ്റു ജീവനക്കാർക്ക് പരിക്കേറ്റിട്ടുണ്ട്. സംഭവത്തിൽ പൊലീസ് അന്വേഷണം നടക്കുന്നുണ്ട്. 36 വർഷമായി സൗദിയിൽ പ്രവാസിയായ അബ്ദുൽ അസീസ് 30 വർഷത്തോളമായി നിലവിലുള്ള കമ്പനിയിൽ ജോലിക്കാരനായിരുന്നു. കൂട്ടിലങ്ങാടി ചേലൂർ മഹല്ല് ജിദ്ദ കമ്മിറ്റി പ്രസിഡൻറായിരുന്നു. നാലു പെൺകുട്ടികളടക്കം അഞ്ചു മക്കളുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.