ദോഹ: ഖത്തറിൽനിന്ന് മുംബൈയിലേക്ക് സർവിസ് പ്രഖ്യാപിച്ച് ഇന്ത്യൻ വിമാനക്കമ്പനിയായ വിസ്താര. ഡിസംബർ 15 മുതൽ ആഴ്ചയിൽ നാലു സർവിസ് എന്ന നിലയിൽ വിമാനം പറക്കുമെന്ന് വിസ്താര ‘എക്സ്’ പ്ലാറ്റ്ഫോം വഴി അറിയിച്ചു. വിസ്താരയുടെ 50ാമത്തെ നഗരമാണ് ദോഹ. മുംബൈയിൽനിന്ന് ആഴ്ചയിൽ നാലു തവണയാണ് ദോഹയിലേക്ക് സർവിസുള്ളത്. തിങ്കൾ, ബുധൻ, വെള്ളി, ഞായർ എന്നീ ദിവസങ്ങളിലാണ് സർവിസുണ്ടാവുക.
മുംബൈ-ദോഹ റൗണ്ട് ട്രിപ്പിന് 30,599 രൂപ മുതലാണ് നിലവിലെ ടിക്കറ്റ് നിരക്ക്. മുംബൈയിൽനിന്ന് വൈകീട്ട് 6.45ന് പുറപ്പെടുന്ന വിമാനം രാത്രി 8.30ന് ദോഹയിലെത്തും. ദോഹയിൽനിന്ന് രാത്രി 9.45ന് പുറപ്പെടുന്ന വിമാനം പുലർച്ച 4.05നാണ് മുംബൈയിലെത്തുന്നത്. ടിക്കറ്റ് ബുക്കിങ് വിസ്താര വെബ്സൈറ്റ് വഴി ആരംഭിച്ചു. നിലവിൽ എയർ ഇന്ത്യ ദിവസേന ഒന്നും ഇൻഡിഗോ രണ്ടും സർവിസുകളാണ് ദോഹ-മുംബൈ സെക്ടറിൽ നടത്തുന്നത്. ഖത്തർ എയർവേസിനും നേരിട്ട് സർവിസുണ്ട്. മറ്റു നിരവധി വിദേശ എയർലൈനുകൾ കണക്ടഡ് സർവിസും നടത്തുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.