ദോഹ: ഖത്തർ പ്രധാനമന്ത്രിയും വിദേശകാര്യമന്ത്രിയുമായ ശൈഖ് മുഹമ്മദ് ബിൻ അബ്ദുൽ റഹ്മാൻ ആൽഥാനി യു.എ.ഇ പ്രസിഡൻറ് ശൈഖ് മുഹമ്മദ് ബിൻസായിദ് അൽ നഹ്യാനുമായി കൂടിക്കാഴ്ചനടത്തി.
അബൂദബിയിലെ ഖസ്ർ അൽ ഷാതിയിലായിരുന്നു ചർച്ച. ഖത്തർആഭ്യന്തര മന്ത്രി ശൈഖ് ഖലീഫ ബിൻ ഹമദ് ബിൻഖലീഫ ആൽഥാനി, അബൂദബി ഉപഭരണാധികാരയ ശൈഖ് താനൂൻ ബിൻ സായിൻ അൽ നഹ്യാൻ എന്നിവയും പങ്കെടുത്തു.
ഖത്തറും യു.എ.ഇയും തമ്മിലെ ഉഭയകക്ഷി സഹകരണവും മേഖലയിലെയും അന്താരാഷ്ട്ര തലത്തിലെയും വിഷയങ്ങൾ ചർച്ച ചെയ്തതായി ഖത്തർ വിദേശകാര്യമന്ത്രാലയം വാർത്തക്കുറിപ്പിൽ അറിയിച്ചു. അമീർ ശൈഖ് തമീം ബിൻ ഹമദ് ആൽഥാനിയുടെ ആശംസസന്ദേശം പ്രധാനമന്ത്രി യു.എ.ഇ ഭരണാധികാരിക്ക് കൈമാറി. യു.എ.ഇ ദേശീയ സുരക്ഷ ഉപദേഷ്ടാവ് കൂടിയായ ശൈഖ് താനൂൻ രണ്ടാഴ്ച മുമ്പ് ഖത്തർ സന്ദർശിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.