ദോഹ: ഫിഫ വിലക്ക് നീങ്ങിയതിനെ തുടർന്ന് ഗൾഫ് കപ്പിന് കുവൈത്ത് ആതിഥ്യം വഹിക്കാനൊരുങ്ങുന്ന സാഹചര്യത്തിൽ ഖത്തർ ഗൾഫ് കപ്പ് േട്രാഫി കുവൈത്തിന് കൈമാറി.
ഖത്തറിൽ നിന്ന് ഗൾഫ് കപ്പ് േട്രാഫി സ്വീകരിച്ചതായി കുവൈത്ത് ഫുട്ബോൾ അസോസിയേഷൻ (കെ.എഫ്.എ) അറിയിച്ചു. ഡിസംബർ 22 മുതൽ ജനുവരി അഞ്ച് വരെയാണ് ഗൾഫ് കപ്പ് നടക്കുന്നത്. ഖത്തർ ഫുട്ബോൾ അസോസിയേഷൻ മത്സര സമിതി ചെയർമാൻ ഹമദ് അൽ മന്നാഈയിൽ നിന്ന് 23ാമത് ഗൾഫ് കപ്പ് ഡയറക്ടറും കെ.എഫ്.എ സെക്രട്ടറി ജനറലുമായ മുഹമ്മദ് ഖലീലാണ് േട്രാഫി ഏറ്റുവാങ്ങിയതെന്ന് കെ.എഫ്.എ വ്യക്തമാക്കി. കുവൈത്തിൽ േട്രാഫി എത്തിച്ചതിന് മുഹമ്മദ് ഖലീൽ ഖത്തറിന് പ്രത്യേക നന്ദി അറിയിച്ചു.22ന് ജാബിർ ഇൻറർനാഷണൽ സ്റ്റേഡിയത്തിൽ നടക്കുന്ന ഉദ്ഘാടന മത്സരത്തിൽ കുവൈത്ത് സൗദി അറേബ്യയുമായി ഏറ്റുമുട്ടും. 23ന് ബഹ്റൈനുമായാണ് നിലവിലെ ചാമ്പ്യൻമാർ കൂടിയായ ഖത്തറിെൻറ ആദ്യമത്സരം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.