ക്യു.ഐ.പി.എ സംഘടിപ്പിച്ച ശിശുദിനാഘോഷ പരിപാടിയിൽ പങ്കെടുത്തവർ
ദോഹ: ശിശുദിനാഘോഷത്തിന്റെ ഭാഗമായി ഖത്തർ ഇന്ത്യൻ പ്രവാസി അസോസിയേഷൻ (ക്യു.ഐ.പി.എ) കുട്ടികൾക്കായി വിജ്ഞാനപ്രദമായ പരിപാടികൾ സംഘടിപ്പിച്ചു. ശിശുദിനാഘോഷത്തിന്റെ ഭാഗമായി ഉമ്മു സലാൽ ബർസാൻ ഫാമിലി പാർക്കിൽ സംഘടിപ്പിച്ച ശിശുദിനാഘോഷ പരിപാടിയിൽ കുട്ടികളും മാതാപിതാക്കളും ക്യു.ഐ.പി.എ ഭാരവാഹികളും ചേർന്ന് വിവിധയിനം കലാപരിപാടികളും ക്വിസ് മത്സരങ്ങൾ, ചിത്രരചന മത്സരങ്ങൾ തുടങ്ങിയവ സംഘടിപ്പിച്ചു. വിജയികൾക്ക് മെഡൽ, സർട്ടിഫിക്കറ്റ് തുടങ്ങിയവ കൈമാറി. ക്യു.ഐ.പി.എ പ്രസിഡന്റ് സന്തോഷ് കണ്ണമ്പറമ്പിൽ കുട്ടികളോടൊപ്പം കേക്ക് മുറിച്ച് ജന്മദിനം ആഘോഷിച്ചു. ജിബി ജോസഫിന്റെ മേൽനോട്ടത്തിൽ ക്യു.ഐ.പി.എ വിങ്സ് വളന്റിയർ ടീം പ്രവർത്തനങ്ങൾക്ക് നേതൃത്വം നൽകി. ഖത്തറിൽ പ്രവാസികൾക്കിടയിൽ മുന്നിട്ടുനിൽക്കുന്ന സോഷ്യൽ മീഡിയ ഗ്രൂപ് ആണ് ക്യു.ഐ.പി.എ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.