ഖ​ത്ത​റി​ന്‍റെ ഇ​ട​പെ​ട​ലി​ൽ ചാ​ഡ്​ സ​മാ​ധാ​ന ക​രാ​ർ പ്രാ​ബ​ല്യ​ത്തി​ൽ

ദോ​ഹ: മ​ധ്യാ​ഫ്രി​ക്ക​ൻ രാ​ജ്യ​മാ​യ ചാ​ഡി​ലെ ര​ക്​​ത​ച്ചൊ​രി​ച്ചി​ലി​ന്​ സ​മാ​ധാ​ന ച​ർ​ച്ച​ക​ളി​ലൂ​ടെ ശാ​ശ്വ​ത പ​രി​ഹാ​ര​മൊ​രു​ക്കി ഖ​ത്ത​ർ. ദോ​ഹ​യി​ൽ തി​ങ്ക​ളാ​ഴ്ച രാ​വി​ലെ ന​ട​ന്ന ക​രാ​ർ ഒ​പ്പു​വെ​ക്ക​ൽ ച​ട​ങ്ങ്​ മാ​സ​ങ്ങ​ളോ​ളം ഖ​ത്ത​ർ ന​ട​ത്തി​യ പ​രി​ശ്ര​മ​ങ്ങ​ൾ​ക്കു​ള്ള വി​ജ​യ​ക​ര​മാ​യ പ​ര്യ​വ​സാ​നം കൂ​ടി​യാ​ണ്. ആ​ഗ​സ്റ്റ്​ 20ന്​ ​ചാ​ഡ്​ ത​ല​സ്ഥാ​ന​മാ​യ ജാ​മി​ന​യി​ൽ ആ​രം​ഭി​ക്കു​ന്ന ദേ​ശീ​യ അ​നു​ര​ഞ്ജ​ന ച​ർ​ച്ച​ക​ൾ​ക്കു​ള്ള അ​ടി​ത്ത​റ​യാ​യി, 42ഓ​ളം വി​മ​ത ഗ്രൂ​പ്പു​ക​ളും സൈ​നി​ക ഭ​ര​ണ​കൂ​ട​വും പ​ങ്കാ​ളി​യാ​യ സ​മാ​ധാ​ന ക​രാ​ർ.

ക​ഴി​ഞ്ഞ മാ​ർ​ച്ച്​ മു​ത​ൽ ഖ​ത്ത​ർ ന​ട​ത്തി​യ അ​നു​ര​ഞ്ജ​ന ച​ർ​ച്ച​ക​ൾ​ക്കും ഇ​ട​പെ​ട​ലു​ക​ൾ​ക്കു​മൊ​ടു​വി​ലാ​ണ്​ ഇ​രു വി​ഭാ​ഗ​ങ്ങ​ളെ​യും ഒ​രേ വേ​ദി​യി​ൽ ഒ​ന്നി​പ്പി​ക്കാ​നാ​യ​ത്. രാ​ജ്യ​ത്ത് സു​ഗ​മ​മാ​യ പ്ര​സി​ഡ​ന്‍റ്​ തെ​ര​​ഞ്ഞെ​ടു​പ്പ്​ ഉ​റ​പ്പാ​ക്കു​ന്ന​ത്​ സം​ബ​ന്ധി​ച്ച ച​ർ​ച്ച​ക​ൾ​ ആ​ഗ​സ്റ്റ്​ 20ഓ​ടെ ചാ​ഡ്​ ത​ല​സ്ഥാ​ന ന​ഗ​രി​യി​ൽ ആ​രം​ഭി​ക്കും.

47 വി​മ​ത ഗ്രൂ​പ്പു​ക​ളി​ൽ 42 സം​ഘ​ങ്ങ​ളും ദോ​ഹ​യി​ൽ ന​ട​ന്ന സ​മാ​ധാ​ന ച​ർ​ച്ച​യി​ൽ പ​​ങ്കെ​ടു​ത്ത​താ​യി അ​ൽ ജ​സീ​റ റി​പ്പോ​ർ​ട്ട്​ ചെ​യ്തു. മ​ധ്യ​സ്ഥ​രാ​യ ഖ​ത്ത​ർ നേ​തൃ​ത്വം അ​വ​സാ​ന നി​മി​ഷം വ​രെ ശ്ര​മി​ച്ചി​ട്ടും പ്ര​ബ​ല​രാ​യ വി​മ​ത​സം​ഘം ക​രാ​റി​ൽ ഒ​പ്പു​വെ​ക്കാ​ൻ ത​യാ​റാ​യി​ല്ല. സൈ​നി​ക ഭ​ര​ണ​കൂ​ട​വു​മാ​യി തി​ങ്ക​ളാ​ഴ്ച ഒ​പ്പു​വെ​ച്ച ക​രാ​ർ നി​ര​സി​ക്കു​ന്ന​താ​യി​ വി​മ​ത വി​ഭാ​ഗം പ്ര​സ്താ​വ​ന​യി​ൽ വ്യ​ക്​​ത​മാ​ക്കി. ഇ​തി​നു​പു​റ​മെ, അ​നു​ര​ഞ്ജ​ന ച​ർ​ച്ച​ക​ൾ​ക്കു​ള്ള പു​തി​യ ക​മ്മി​റ്റി രൂ​പ​വ​ത്ക​രി​ക്ക​ണ​മെ​ന്നും ജ​യി​ലു​ക​ളി​ലു​ള്ള വി​മ​ത ത​ട​വു​കാ​രെ മോ​ചി​പ്പി​ക്ക​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു.

അ​തേ​സ​മ​യം, രാ​ജ്യ​ത്ത്​ സ​മാ​ധാ​നം പു​നഃ​സ്ഥാ​പി​ക്കു​ന്ന​തി​ന്​ സൈ​നി​ക ഭ​ര​ണ​കൂ​ട​വു​മാ​യി ക​രാ​റി​ൽ ഒ​പ്പു​വെ​ക്കാ​നാ​യ നീ​ക്ക​ത്തെ മ​റ്റു വി​മ​ത ഗ്രൂ​പ്പു​ക​ൾ സ്വാ​ഗ​തം ചെ​യ്തു. ചാ​ഡ്​ ജ​ന​ങ്ങ​ൾ​ക്ക്​ സ​ന്തോ​ഷം ന​ൽ​കു​ന്ന​താ​ണ്​ ഈ ​ശ്ര​മ​മെ​ന്നും അ​ന്താ​രാ​ഷ്ട്ര നി​രീ​ക്ഷ​ക​രു​ടെ മേ​ൽ​നോ​ട്ട​മു​ണ്ടാ​വു​മെ​ന്നും വി​മ​ത വി​ഭാ​ഗ​​ത്തെ പ്ര​തി​നി​ധാ​നം​ചെ​യ്ത ഫ​ദു​ൽ ഹി​സ​ൻ പ​റ​ഞ്ഞു. ഇ​പ്പോ​ൾ ബ​ഹി​ഷ്ക​രി​ച്ച വി​ഭാ​ഗ​ങ്ങ​ൾ​ക്ക്​ ഏ​ത്​ സ​മ​യ​വും ഉ​ട​മ്പ​ടി​യു​ടെ ഭാ​ഗ​മാ​കാ​മെ​ന്നും ഏ​വ​രെ​യും സ്വാ​ഗ​തം ചെ​യ്യു​ന്ന​താ​യും വ്യ​ക്​​ത​മാ​ക്കി.

ദോ​ഹ ക​രാ​ർ പ്ര​കാ​രം വ​രാ​നി​രി​ക്കു​ന്ന ത​ല​സ്ഥാ​ന​മാ​യ ജാ​മി​ന​യി​ൽ ന​ട​ക്കു​ന്ന ച​ർ​ച്ച​യി​ൽ വെ​ടി​നി​ർ​ത്ത​ലി​ൽ ഒ​പ്പു​വെ​ക്കും. ച​ർ​ച്ച​യി​ൽ പ​ങ്കെ​ടു​ക്കു​ന്ന വി​മ​ത​നേ​താ​ക്ക​ളു​ടെ സു​ര​ക്ഷ​യും സൈ​നി​ക സ​ർ​ക്കാ​ർ ഉ​റ​പ്പു​ന​ൽ​കി​യി​ട്ടു​ണ്ട്.

ദോ​ഹ​യി​ലെ​ത്തി​യ ചാ​ഡ്​ പ്ര​സി​ഡ​ന്‍റ്​ ല​ഫ്. ജ​ന​റ​ൽ

മു​ഹ​മ്മ​ദ്​ ഇ​ദ്രി​സ്​ ഡെ​ബി, വി​മ​ത നേ​താ​ക്ക​ൾ എ​ന്നി​വ​രു​മാ​യി അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി അ​മീ​രി ദി​വാ​നി​ൽ കൂ​ടി​ക്കാ​ഴ്ച നടത്തുന്നു

ലി​ബി​യ​ൻ മ​രു​ഭൂ​മി ആ​സ്ഥാ​ന​മാ​ക്കി പ്ര​വ​ർ​ത്തി​ക്കു​ന്ന 'ഫാ​ക്ട്​'​നേ​താ​വ്​ മ​ഹ്​​ദി അ​ലി​​യോ​ട്​ ച​ർ​ച്ച​യി​ൽ പ​​ങ്കാ​ളി​യാ​വ​ണ​മെ​ന്ന്​ ഖ​ത്ത​ർ നി​ർ​ദേ​ശി​ച്ചു​വെ​ങ്കി​ലും ത​ങ്ങ​ളു​ടെ സു​ര​ക്ഷ സം​ബ​ന്ധി​ച്ച്​ സൈ​നി​ക സ​ർ​ക്കാ​റി​ൽ​നി​ന്ന് വ്യ​ക്​​ത​മാ​യ ഉ​റ​പ്പ്​ ല​ഭി​ച്ചി​ല്ലെ​ന്ന്​ അ​വ​ർ വ്യ​ക്​​ത​മാ​ക്കി.

രാ​ജ്യ​ത്ത്​ സ​മാ​ധാ​നം പു​നഃ​സ്ഥാ​പി​ക്കാ​നു​ള്ള ജ​ന​ങ്ങ​ളു​ടെ ആ​ഗ്ര​ഹ​ത്തി​നൊ​പ്പം മ​റ്റു​ വി​മ​ത ഗ്രൂ​പ്പു​ക​ളും ഉ​ട​ൻ ചേ​രു​മെ​ന്ന്​ പ്ര​തീ​ക്ഷി​ക്കു​ന്ന​താ​യി മ​ധ്യ​സ്ഥ ച​ർ​ച്ച​ക​ൾ​ക്ക്​ നേ​തൃ​ത്വം ന​ൽ​കി​യ ഖ​ത്ത​ർ ഉ​പ​പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യി ​ശൈ​ഖ്​ മു​ഹ​മ്മ​ദ്​ ബി​ൻ അ​ബ്​​ദു​റ​ഹ്​​മാ​ൻ ആ​ൽ​ഥാ​നി പ​റ​ഞ്ഞു.

ചാ​ഡി​ൽ സ​മാ​ധാ​നം പു​നഃ​സ്ഥാ​പി​ക്കാ​നു​ള്ള ഖ​ത്ത​റി​ന്‍റെ ശ്ര​മം യു.​എ​ൻ സെ​ക്ര​ട്ട​റി ജ​ന​റ​ൽ അ​ന്‍റോ​ണി​യോ ഗു​െ​ട്ട​റ​സ്, ആ​ഫ്രി​ക്ക​ൻ യൂ​നി​യ​ൻ ക​മീ​ഷ​ൻ ചെ​യ​ർ​പേ​ഴ്​​സ​ൻ മൗ​സ ഫാ​കി എ​ന്നി​വ​ർ അ​ഭി​ന​ന്ദി​ച്ചു. അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി​യു​ടെ ഇ​ട​പെ​ട​ലി​ന്​ ഇ​രു​വ​രും ന​ന്ദി അ​റി​യി​ച്ചു. അ​ഫ്​​ഗാ​നി​ലും സു​ഡാ​നി​ലും ഉ​ൾ​പ്പെ​ടെ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ലെ സ​മാ​ധാ​ന ദൗ​ത്യ​ത്തി​ൽ ഖ​ത്ത​ർ വ​ഹി​ക്കു​ന്ന പ​ങ്കി​നെ പ്ര​കീ​ർ​ത്തി​ച്ച മൗ​സ ഫാ​കി, ദോ​ഹ​യെ സ​മാ​ധാ​ന ന​ഗ​ര​മെ​ന്നും വി​ശേ​ഷി​പ്പി​ച്ചു.

30 വ​ർ​ഷം രാ​ഷ്ട്ര​ത്ത​ല​വ​നാ​യി​രു​ന്ന ഇ​ദ്രി​സ് ഡെ​ബിയെ 2021 ഏ​പ്രി​ലി​ൽ വി​മ​ത​ർ കൊ​ല​പ്പെ​ടു​ത്തി​യ​തോടെയാണ്​ പ്ര​തി​സ​ന്ധി രൂ​ക്ഷ​മാ​യ​ത്. തു​ട​ർ​ന്ന്​ സൈ​നി​ക ഇ​ട​പെ​ട​ലി​ലൂ​ടെ അ​ധി​കാ​രം പി​ടി​ച്ച മ​ക​ൻ ല​ഫ്. ജ​ന​റ​ൽ മു​ഹ​മ്മ​ദ്​ ഇ​ദ്രി​സ്​ ഡെ​ബി പ്ര​സി​ഡ​ന്‍റാ​യി സ്ഥാ​ന​മേ​റ്റു. 18 മാ​സ​ത്തി​നു​ള്ളി​ൽ രാ​ജ്യ​ത്ത്​ തെ​ര​ഞ്ഞെ​ടു​പ്പ്​ ന​ട​ത്തു​മെ​ന്നാ​യി​രു​ന്നു വാ​ഗ്ദാ​നം. ഒ​ക്​​ടോ​ബ​റി​ന്​ മു​മ്പാ​യി തെ​ര​ഞ്ഞെ​ടു​പ്പ്​ പൂ​ർ​ത്തി​യാ​ക്ക​ണ​മെ​ന്ന്​ ഡെ​ബി​ക്ക്​ മു​മ്പാ​കെ ഫ്രാ​ൻ​സ്, യൂ​റോ​പ്യ​ൻ യൂ​നി​യ​ൻ, ആ​ഫ്രി​ക്ക​ൻ യൂ​നി​യ​ൻ എ​ന്നി​വ​രു​ടെ സ​മ്മ​ർ​ദ​വു​മു​ണ്ട്. ദോ​ഹ​യി​ൽ ന​ട​ന്ന ച​ർ​ച്ച​യി​ൽ യൂ​റോ​പ്യ​ൻ യൂ​നി​യ​ൻ, ​ആ​ഫ്രി​ക്ക​ൻ യൂ​നി​യ​ൻ, വി​വി​ധ ​ആ​ഫ്രി​ക്ക​ൻ രാ​ജ്യ​ങ്ങ​ൾ എ​ന്നി​വ​രു​ടെ പ്ര​തി​നി​ധി​ക​ളും പ​ങ്കാ​ളി​ക​ളാ​യി.\

ചാ​ഡ്​ പാ​ർ​ട്ടി​ക​ളു​മാ​യി അ​മീ​റി​ന്‍റെ കൂ​ടി​ക്കാ​ഴ്ച

ദോ​ഹ: ചാ​ഡ്​ സ​മാ​ധാ​ന ഉ​ട​മ്പ​ടി​യി​ൽ ഒ​പ്പു​വെ​ക്കു​ന്ന​തി​നാ​യി ദോ​ഹ​യി​ലെ​ത്തി​യ രാ​ഷ്ട്ര​നേ​താ​ക്ക​ളു​മാ​യി അ​മീ​ർ ശൈ​ഖ്​ ത​മീം ബി​ൻ ഹ​മ​ദ്​ ആ​ൽ​ഥാ​നി കൂ​ടി​ക്കാ​ഴ്ച ന​ട​ത്തി. ചാ​ഡ്​ പ്ര​സി​ഡ​ന്‍റ്​ ല​ഫ്. ജ​ന​റ​ൽ മു​ഹ​മ്മ​ദ്​ ഇ​ദ്രി​സ്​ ഡെ​ബി, സ​ർ​ക്കാ​ർ പ്ര​തി​നി​ധി​ക​ൾ, വി​മ​ത​വി​ഭാ​ഗം നേ​താ​ക്ക​ൾ, വി​വി​ധ രാ​ഷ്ട്ര പ്ര​തി​നി​ധി​ക​ൾ എ​ന്നി​വ​രു​മാ​യി അ​മീ​രി ദി​വാ​നി​ലാ​യി​രു​ന്നു അ​മീ​റി​ന്‍റെ കൂ​ടി​ക്കാ​ഴ്ച. ചാ​ഡി​ന്‍റെ ച​രി​ത്ര​ത്തി​ലെ ഏ​റ്റ​വും സു​പ്ര​ധാ​ന ചു​വ​ടു​വെ​പ്പാ​ണ്​ സ​മാ​ധാ​ന ക​രാ​ർ എ​ന്ന്​ അ​മീ​ർ വി​ശേ​ഷി​പ്പി​ച്ചു.

ചാ​ഡി​ൽ അ​നു​ര​ഞ്ജ​ന സം​ഭാ​ഷ​ണ​ത്തി​ന് വ​ഴി​യൊ​രു​ക്കു​ന്ന ആ​ദ്യ​പ​ടി​യാ​ണ് സ​മാ​ധാ​ന​ക്ക​രാ​റെ​ന്ന്​ വ്യ​ക്​​ത​മാ​ക്കി​യ അ​മീ​ർ, ദേ​ശീ​യ താ​ൽ​പ​ര്യ​വും സ​മാ​ധാ​ന​വും പ​രി​ഗ​ണി​ച്ച്​ ച​ർ​ച്ച​യു​മാ​യി സ​ഹ​ക​രി​ക്കു​ന്ന ​ഭ​ര​ണ​കൂ​ട​ത്തി​നും വി​മ​ത നേ​താ​ക്ക​ൾ​ക്കും ന​ന്ദി അ​റി​യി​ച്ചു.

ച​ർ​ച്ച​യി​ൽ പ​​ങ്കെ​ടു​ത്ത വി​വി​ധ രാ​ജ്യ​ങ്ങ​ളി​ൽ​നി​ന്നു​ള്ള മ​ന്ത്രി​മാ​ർ, അ​ന്താ​രാ​ഷ്ട്ര സം​ഘ​ട​ന പ്ര​തി​നി​ധി​ക​ൾ, സൗ​ഹൃ​ദ രാ​ഷ്ട്ര പ്ര​തി​നി​ധി​ക​ൾ എ​ന്നി​വ​രും അ​മീ​രി ദീ​വാ​നി​ൽ ന​ട​ന്ന കൂ​ടി​ക്കാ​ഴ്ച​യി​ൽ പ​ങ്കു​ചേ​ർ​ന്നു.