ദോഹ: ഖത്തർ ഇന്ധന കമ്പനിയായ വുഖൂദ് റൗദത്ത് അൽ ഹമാമ രണ്ടിൽ പുതിയ പെട്രോൾസ്റ്റേഷൻ തുറന്നു. ഇതോടെ ആകെ സ്റ്റേഷനുകളുടെ എണ്ണം 79 ആയി. പുതിയ സ്ഥിരം സ്റ്റേഷൻ തുറന്നതിൽ ഏറെ അഭിമാനിക്കുന്നുവെന്ന് വുഖൂദ് സി.ഇ.ഒ എഞ്ചിനീയർ സആദ് റാഷിദ് അൽ മുഹന്നദി പറഞ്ഞു. രാജ്യത്തിെൻറ എല്ലാ ഭാഗത്തും ഉപഭോക്താക്കളുടെ സൗകര്യത്തിനനുസരിച്ച് ഗുണനിലവാരമുള്ള പെട്രോളിയം ഉൽപന്നങ്ങൾ നൽകുകയാണ് കമ്പനിയുടെ ലക്ഷ്യമെന്ന് അദ്ദേഹം പറഞ്ഞു.
ഇതിനായി സൗകര്യങ്ങൾ വർധിപ്പിച്ചുകൊണ്ടിരിക്കുകയാണ്. 10000 സ്ക്വയർ മീറ്റർ സ്ഥലത്താണ് പുതിയ പെട്രോൾ സ്റ്റേഷൻ സ്ഥാപിച്ചത്. മൂന്ന് ലൈനുകളിലായി ആറ് ഇന്ധനം നിറക്കൽ കേന്ദ്രങ്ങൾ ഉണ്ട്. റൗദത്ത് അൽ ഹമാമക്കും അയൽപ്രദേശങ്ങളിലും ഉള്ള ഉപഭോക്താക്കൾക്ക് ഇത് സൗകര്യപ്രദമാണ്. 24 മണിക്കൂറും സ്റ്റേഷൻ പ്രവർത്തിക്കും. സിദ്റ കൺവീനിയൻസ് സ്േറ്റാർ സ്േറ്റഷനിൽ ഉണ്ട്. കാർവാഷ്, ഒായിൽമാറ്റം, ടയർ അറ്റകുറ്റപ്പണി, എൽ.പി.ജി സിലിണ്ടർ വിൽപന, ഗ്യാസോലിൻ വിൽപന, ഡീസൽ ഉൽപന്നങ്ങളുടെ വിൽപന എന്നിവയും ഇവിടെ ഉണ്ട്. 17 പുതിയ പെട്രോൾ സ്റ്റേഷനുകൾ കൂടി സ്ഥാപിക്കാനുള്ള ഒരുക്കത്തിലാണ് വുഖൂദ്. ഇൗവർഷം തന്നെ ഇവയിൽ പലതും പ്രവർത്തിപ്പിക്കാൻ കഴിയുമെന്നാണ് പ്രതീക്ഷിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.