ഓമനക്കുട്ടൻ പരുമല (പ്രസിഡന്റ്), ഷഫീക്ക് അറക്കൽ
(ജന. സെക്രട്ടറി), ആർ.ജെ. രതീഷ് (ട്രഷറർ)
ദോഹ: ഖത്തറിലെ ഇന്ത്യൻ മാധ്യമ പ്രവർത്തകരുടെ കൂട്ടായ്മയായ ഇന്ത്യൻ മീഡിയാ ഫോറം (ഐ.എം.എഫ്) 2025-26 കാലയളവിലേക്കുള്ള ഭാരവാഹികളെ തിരഞ്ഞെടുത്തു. അരോമ റെസ്റ്റാറന്റിൽ ചേർന്ന വാർഷികപൊതുയോഗത്തിൽ പ്രസിഡന്റ് ഫൈസൽ അധ്യക്ഷതവഹിച്ചു. ജനറൽ സെക്രട്ടറി ഷഫീക്ക് അറക്കൽ പ്രവർത്തന റിപ്പോർട്ടും ട്രഷറർ കെ. ഹുബൈബ് സാമ്പത്തിക റിപ്പോർട്ടും അവതരിപ്പിച്ചു.
പുതിയ ഭരണസമിതിയിലേക്ക് ഓമനക്കുട്ടൻ പരുമലയെ പ്രസിഡന്റായും (കൈരളി), ഷഫീക്ക് അറക്കലിനെ (മംഗളം) ജനറൽ സെക്രട്ടറിയായും ആർ.ജെ. രതീഷിനെ (റേഡിയോ മലയാളം) ട്രഷററായും തെരഞ്ഞെടുത്തു.
വൈസ് പ്രസിഡന്റ്: സാദിഖ് ചെന്നാടൻ (മലയാളം ന്യൂസ്), സെക്രട്ടറി: അൻവർ പാലേരി (24 ന്യൂസ്) എന്നിവരാണ് മറ്റു ഭാരവാഹികൾ. എക്സിക്യൂട്ടിവ് അംഗങ്ങളായി ഫൈസൽ ഹംസ (മീഡിയ വൺ), കെ. ഹുബൈബ് (ഗൾഫ് മാധ്യമം), അഹമ്മദ്കുട്ടി അറളയിൽ (ദേശാഭിമാനി), ഷഫീക് ആലുങ്ങൽ (ഗൾഫ് ടൈംസ്), നിസ (റേഡിയോ സുനോ) എന്നിവരെയും തെരഞ്ഞെടുത്തു. ഓമനക്കുട്ടൻ പരുമല, ഷഫീക് അറക്കൽ, അൻവർ പാലേരി എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.