ഗ്രാൻഡ്മാൾ ഹൈപ്പർമാർക്കറ്റ് മെഗാ പ്രമോഷൻ രണ്ടാംഘട്ട സമ്മാന വിജയികൾ
മാനേജ്മെന്റ് പ്രതിനിധികൾക്കൊപ്പം
ദോഹ: രാജ്യത്തെ മുൻനിര ഹൈപ്പർമാർക്കറ്റ് ശൃംഖലയായ ഗ്രാൻഡ് മാൾ ഹൈപ്പർമാർകെറ്റിൽ ‘ബയ് ആൻഡ് ഗെറ്റ് കാഷ് ആൻഡ് കാർ’ മെഗാ പ്രമോഷൻ രണ്ടാം ഘട്ട വിജയികൾക്കുള്ള ക്യാഷ് പ്രൈസ് വിതരണം ചെയ്തു. ഏഷ്യൻ ടൗണിൽ നടന്ന ചടങ്ങിൽ സി.ഇ.ഒ ശരീഫ് ബി.സി സമ്മാന വിതരണത്തിന് നേതൃത്വം വഹിച്ചു. ഏരിയ മാനേജർ ബഷീർ പരപ്പിൽ, പി.ആർ മാനേജർ സിദ്ദീഖ്, മാർക്കറ്റിങ് മാനേജർ ഷംസീർ, മാൾ മാനേജർ സുമേഷ്, വെയർഹൗസ് മാനേജർ റിയാസ്, എ.എം.എം പ്രവീൺ എന്നിവർ പങ്കെടുത്തു.
15 ഭാഗ്യശാലികൾക്ക് 5000 റിയാലാണ് സമ്മാനമായി ലഭിച്ചത്. ഈ പ്രമോഷന്റെ അവസാന ഘട്ട നറുക്കെടുപ്പ് ജൂൺ 22ന് നടക്കും. 10 പേർക്ക് 5000 റിയാലും ബംപർ സമ്മാനമായ പുതിയ മോഡൽ ജെടൂർ ടി2 കാറും ആണ് അവസാന ഘട്ട നറുക്കെടുപ്പ് വിജയികളെ കാത്തിരിക്കുന്നത്. ആദ്യഘട്ട വിജയികൾക്കുള്ള 5000 റിയാൽ സമ്മാനം നേരത്തേ വിതരണം ചെയ്തിരുന്നു.
ഈ വർഷം ഏപ്രിൽ ഒന്നിന് തുടങ്ങി ജൂൺ 21 വരെ നീളുന്നതാണ് മെഗാ പ്രമോഷൻ. ജെറ്റൂർ കാറിനൊപ്പം രണ്ട് ലക്ഷം റിയാലുമായിരുന്നു സമ്മാനം. ഖത്തറിലെ ഏത് ഗ്രാൻഡ് ഔട്ട്ലറ്റുകളിൽനിന്നും 50 റിയലിനോ അതിനു മുകളിലോ സാധനങ്ങൾ വാങ്ങുമ്പോൾ ലഭിക്കുന്ന റാഫിൾ കൂപ്പൺ വഴി എല്ലാ ഉപഭോക്താക്കൾക്കും സമ്മാന പദ്ധതിയിൽ പങ്കെടുക്കാവുന്നതാണ്. ഖത്തർ വാണിജ്യമന്ത്രാലയം ഉദ്യോഗസ്ഥന്റെ സാന്നിധ്യത്തിൽ സുതാര്യമായ നറുക്കെടുപ്പിലൂടെയാണ് ഭാഗ്യശാലികളെ തെരഞ്ഞെടുക്കുന്നത്.
ഉപഭോക്താക്കൾക്ക് ആകർഷകമായ ഷോപ്പിങ് അനുഭവം സമ്മാനിക്കുകയും, ഗുണനിലവാരവും വിശ്വാസ്യതയും ഉറപ്പുവരുത്തുകയും ചെയ്യുക എന്നതാണ് ഗ്രാൻഡ് ഹൈപ്പർമാർക്കറ്റിന്റെ ലക്ഷ്യം എന്ന് റീജനൽ ഡയറക്ടർ അഷ്റഫ് ചിറക്കൽ പറഞ്ഞു. ഈ അവസരങ്ങൾ എല്ലാ ഉപയോക്താക്കളും പരമാവധി ഉപയോഗപ്പെടുത്തണമെന്നും അദ്ദേഹം
കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.