ബെന്റൺ സ്പോർട്സ് നടത്തിയ പ്രഥമ ബാഡ്മിന്റൺ ടൂർണമെന്റിലെ വിജയികൾ
ദോഹ: ബെന്റൺ സ്പോർട്സ് നടത്തിയ പ്രഥമ ബാഡ്മിന്റൺ ടൂർണമെന്റ് സമാപിച്ചു. അബൂഹമൂറിലെ മിഡിലീസ്റ്റ്‌ ഇന്റർനാഷനൽ സ്കൂളിൽ മൂന്നു ദിവസങ്ങളിലായി നടന്ന ടൂർണമെന്റിൽ 14 വിഭാഗങ്ങളിലായി 123 കളിക്കാർ മാറ്റുരച്ചു. ഖത്തർ ബാഡ്മിന്റൺ അപക്സ് ബോഡിയുമായി സഹകരിച്ചായിരുന്നു വാശിയേറിയ ടൂർണമെന്റ് സംഘടിപ്പിച്ചത്. ആൺ, പെൺ വിഭാഗങ്ങളിലായി അണ്ടർ ഒമ്പത്, 11, 13, 15, 17 പ്രായക്കാരുടെയും ഡബ്ൾസ് മത്സരങ്ങളുമാണ് നടന്നത്. മത്സരങ്ങൾക്ക് സാക്ഷിയാവാനായി 1000ത്തിൽപരം കാണികളും എത്തി.
വിജയികൾക്ക് ബെന്റൺ സ്പോർട്സ് ചെയർമാൻ അസ്ഹർ അലിയുടെ സാന്നിധ്യത്തിൽ മുഖ്യാതിഥികളായ ഐ.സി.ബി.എഫ് പ്രസിഡന്റ് വിനോദ് നായർ, ഐ.എസ്.സി ബാഡ്മിന്റൺ ഹെഡ് സഫീർറഹ്മാൻ, ഐ.സി.സി വൈസ് പ്രസിഡന്റ് സുബു എന്നിവർ ട്രോഫിയും കാഷ് പ്രൈസും വിതരണം ചെയ്തു.
സമാപന പരിപാടിയിൽ കുട്ടികളുടെ കലാപരിപാടികളും അരങ്ങേറി. വരും നാളുകളിൽ ബെന്റണിനു കീഴിൽ കൂടുതൽ കായിക പരിപാടികൾ സംഘടിപ്പിക്കുമെന്ന് ചെയർമാൻ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.