കുവൈത്ത് സിറ്റി: കുവൈത്തിൽ ബൂസ്റ്റർ ഡോസ് കോവിഡ് വാക്സിൻ സ്വീകരിച്ചവരുടെ എണ്ണം എട്ടര ലക്ഷമായി. കുവൈത്തികളും വിദേശികളും ഉൾപ്പെടെയാണിത്.
കോവിഡ് വാർഡുകളിലെയും തീവ്രപരിചരണ വിഭാഗങ്ങളിലെയും ആളുകുറയാനും മരണങ്ങൾ കുറയാനും കുത്തിവെപ്പ് പ്രധാന പങ്കുവഹിച്ചു. 35.5 ലക്ഷത്തോളം പേർ രണ്ട് ഡോസ് വാക്സിൻ എടുത്തു. ബൂസ്റ്റർ ഡോസ് ഉൾപ്പെടെ 85 ലക്ഷം ഡോസാണ് ഇതുവരെ രാജ്യത്ത് വിതരണം ചെയ്തത്.
40 വയസ്സിന് മുകളിലുള്ളവർക്ക് അപ്പോയൻറ്മെൻറ് ഇല്ലാതെ നേരിട്ടെത്തിയാലും ബൂസ്റ്റർ ഡോസ് നൽകുന്നുണ്ട്. ഇനിയും വാക്സിനേഷന് രജിസ്റ്റർ ചെയ്യാത്തവരും രജിസ്റ്റർ ചെയ്ത് കുത്തിവെപ്പ് എടുക്കാത്തവരും എത്രയും വേഗം മുന്നോട്ടുവരണമെന്ന് അധികൃതർ അഭ്യർഥിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.