മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള ഡോ. കെ.ടി. റബീയുള്ളയുടെ സംഭാവന ഹബീബ് റഹ്മാന് കൈമാറുന്നു
ദോഹ: വയനാട് ദുരന്തം നിരാലംബരാക്കിയവര്ക്ക് കാരുണ്യത്തിന്റെ കൈത്താങ്ങായി ഷിഫ അല് ജസീറ മെഡിക്കല് ഗ്രൂപ് ചെയര്മാന് ഡോ. കെ.ടി. റബീയുള്ള. മുന്നൂറിലേറെ പേരുടെ ജീവന് അപഹരിച്ച വയനാട് മുണ്ടക്കൈ, ചൂരല്മല ഉരുള്പൊട്ടല് ദുരന്തബാധിതരുടെ പുനരധിവാസത്തിനായി മൊത്തം ഒരു കോടി രൂപയുടെ സഹായമാണ് നല്കിയത്.
മുണ്ടക്കൈ, ചൂരല്മല ഉരുള്പൊട്ടല് ദുരന്ത പാശ്ചാത്തലത്തില് മുഖ്യമന്ത്രിയുടെ ദുരിതാശ്വാസ നിധിയിലേക്കുള്ള 50 ലക്ഷം രൂപയുടെ ചെക്ക് തിരുവനന്തപുരത്ത് മുഖ്യമന്ത്രി പിണറായി വിജയന്റെ ഓഫിസില് നടന്ന ചടങ്ങില് ബഹ്റൈനിലെ ഷിഫ അല് ജസീറ ഹോസ്പിറ്റല് സി.ഇ.ഒ ഹബീബ് റഹ്മാന് കൈമാറി. വള്ളിക്കുന്ന് എം.എൽ.എ അബ്ദുല് ഹമീദ് മാസ്റ്റര് സന്നിഹിതനായിരുന്നു.
മുസ്ലിം ലീഗിന്റെ ഫോർ വയനാട് പുനരധിവാസ പദ്ധതിയിലേക്ക് ഡോ. കെ.ടി. റബീയുള്ളയുടെ സംഭാവന സാദിഖലി ശിഹാബ് തങ്ങൾക്ക് ഹബീബ് റഹ്മാൻ കൈമാറുന്നു
കൂടാതെ, മുസ്ലിംലീഗിന്റെ ഫോർ വയനാട് പുനരധിവാസ പദ്ധതയിലേക്കായി 50 ലക്ഷം രൂപയും ഡോ. കെ.ടി. റബീയുള്ള സംഭാവനയായി നല്കി. മുസ്ലിം ലീഗ് സംസ്ഥാന പ്രസിഡന്റ് സാദിഖലി ശിഹാബ് തങ്ങള്ക്ക് ഹബീബ് റഹ്മാന് ചെക്ക് കൈമാറി. നിയമസഭ കക്ഷി നേതാവ് പി.കെ. കുഞ്ഞാലിക്കുട്ടി, അബ്ബാസ് അലി ശിഹാബ് തങ്ങൾ, മുനവറലി ശിഹാബ് തങ്ങള്, ബഷീര് അലി ശിഹാബ് തങ്ങള്, എം.എൽ.എമാരായ അബ്ദുല് ഹമീദ് മാസ്റ്റര്, കെ.കെ. ആബിദ് ഹുസൈന് തങ്ങള് എന്നിവര് ചടങ്ങില് സന്നിഹിതരായി.
നാലു പതിറ്റാണ്ടിലേറെയായി ഷിഫ അല് ജസീറ മെഡിക്കല് ഗ്രൂപ്പിന് കീഴില് ആറ് ഗള്ഫ് രാജ്യങ്ങളിലായി ഹോസ്പിറ്റല്, മെഡിക്കല് സെന്ററുകള്, ഫാര്മസികള് എന്നിങ്ങനെ 40 ഓളം സ്ഥാപനങ്ങള് പ്രവര്ത്തിക്കുന്നുണ്ട്. ജീവകാരുണ്യ മേഖലയില് കഴിഞ്ഞ മൂന്നരപ്പതിറ്റാണ്ടിലേറെയായി ഡോ. കെ.ടി. റബീയുള്ള സജീവ സാന്നിധ്യമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.